Најлошите соседи на светот? Им пречело дрвото на соседот, па го пресекле на половина

Детали

четврток, 24 јуни 2021

Соседите подолго време се расправале за дрвото што се наоѓало помеѓу две куќи во Шефилд, Англија. Така, едните соседи нашле решение – го пресекле дрвото на половина и ги отстранила гранките над нивниот двор. 

На Греам и Ирене Ли (кои се во 70-тите години од животот) им пречело тоа што зимзеленото дрво на соседот делумно надвиснува над нивниот двор. Одлучиле проблемот да го решат така што ги отстраниле гранките што се наоѓале на нивната страна.

Соседот, Бхарт Мистри (56) вели дека парот претходно повикал тројца градинари бидејќи се жалеле дека на дрвото се собираат птици и им прават бучава и ѓубре и сакале да пронајдат решение.

„Дрвото се наоѓа таму 25 години и го обликувавме во форма на топка во договор со соседот и тоа не му пречеше. Но, неодамна почнаа да се собираат птици во дрвото, што е сосема очекувано во овој период од годината. Почна прво да става црни ќеси за ѓубре во дрвото за да ги избрка птиците. Минатиот петок рече дека ќе викне некого да го исече дрвото и го замоливме да не го прави тоа, но, ете, сепак го направи“ – вели Мистри.

Тој вели дека претходно немале никакви проблеми со соседите, но со почетокот на карантинот во март 2020-тата година почнале расправиите околу дрвото и сега повеќе не разговараат.

Сепак, иако парот се надевал дека ќе се спаси од птиците, не очекувале дека нивниот дом ќе стане вистинска атракција и дека луѓето ќе одат до нивниот дом само за да го видат необичното дрво.

Б. С. Б. | Црнобело