Прегратки, шегување: Фото-докази дека Вилијам и Кејт се поопуштени во јавност по скандалозното интервју на Хари и Меган

Детали

сабота, 19 јуни 2021

Вилијам и Кејт како да не се истите луѓе што ги гледавме до неодамна. Во последно време, сè почесто можеме да ги видиме насмеани, прегрнати, неформални, со спортски патики – очигледно нештата се менуваат во кралскиот живот.

Како иден престолонаследник на Обединетото Кралство, принцот Вилијам и неговата сопруга Кејт мора да се придржуваат кон поинакви правила кога станува збор за појавувањето во јавност, за разлика од принцот Хари и Меган Маркл. Но, по скандалозното интервју на Хари и Меган со Опра, нештата во голема мера се променија.

Очигледно, поради сè поголемата популарност што Хари и Меган ја стекнаа, Вилијам и Кејт мора да направат промени во јавниот имиџ за да пристапат кон поголем број луѓе во јавноста.

Ако претходно Вилијам и Кејт цела деценија се придржуваа до правилникот на Бакингамската палата, се чини дека во последниот период нештата се менуваат. Па така, наместо во вообичаеното формално, нив можеме да ги видиме во едно поопуштено, неформално издание.

Во минатото на фотографиите кралската двојка речиси никогаш не можевме да ја видиме како покажува и најмали знаци на блискост и интима, а нивните профили на социјалните мрежи содржеа само кратки видеа од говорите на принцот.

Таквото однесување беше во согласност со правилата на кралското семејство, но се чини дека интервјуто на Меган и Хари предизвика вистински „земјотрес“ и ја натера кралската двојка да направи промени во со векови утврдените кодекси на однесување.

Во продолжение погледнете неколку фотографии кои докажуваат дека Вилијам и Кејт се навистина поопуштени во јавност по интервјуто на Меган и Хари:

Тортата од принцот Вилијам за Кејт по повод Денот на мајката

Кејт во посета на училиште по намалување на мерките за заштита од пандемијата

Вилијам и Кејт во посета на центар за вакцинација во Вестминстер Аби

Вилијам и Кејт си играат со јагниња на фарма

Кејт игра голф и гласно се смее

Вилијам и Кејт се смеат додека играат голф во Belmont Community Centre

Портрети по повод годишнината од бракот во неформално издание (со секојдневна облека и прегрнати)

Продолжува на следната страница...