„Нема да посвоиме дете од Тајланд затоа што 1 година нема да смееме да го покажеме на интернет“ - пар стана мета на онлајн критики

Детали

сабота, 15 мај 2021

Пар од Калифорнија ја разлути јавноста откако отворено кажа како ќе го сопре процесот за посвојување на детенце од Тајланд само затоа што нема да може да го покажуваат онлајн една година.

Парот инфлуенсери Ники и Ден Филипи од Калифорнија стана мета на онлајн критики откако на Reddit осамна нивно видео од 2018 година во кое ги известуваат следбениците дека го откажале посвојувањето на детенце од Тајланд, само затоа што оваа земја имала правило дека една година по посвојувањето нема да може да го покажуваат на Јутуб и на социјалните мрежи.

Ники во видеото вели: „Откако ќе го земеш своето дете, тоа е твое дете, но не ти е дозволено да зборуваш за него или да споделуваш какви било фотографии, видеа или било што од него онлајн една година“, на ова Ден додава дека тие имаат Јутуб канал на кој споделуваат многу детали од нивното секјдневие и дека ова нема да биде возможно.

Потоа Ники вели дека дискутирала и со нејзината асистентка за процесот на посвојување кој го започнале, па дошле до логичен заклучок дека нема да биде изводливо да не го снимаат и затоа одлучиле да не посвојуваат дете од Тајланд.

Инаку, парот сега го има 1-годишниот биолошки син Логан.

Еден од осудувачките коментари на Твитер за потегот на парот гласи: „Да не заборавиме дека Ники Филипи одлучи да не посвои дете од Тајланд само затоа што не им беше дозволено да го прикажуваат на Јутуб за пари. Дали сме изненадени? Не. Разочарани? Да.“

Реакции на Твитер:

https://twitter.com/coffeesforchaos/status/1391767894812409865

literally WHAT THE HELL were they thinking turning an adoption away because the child couldnt be in their videos? what the hell thats like admitting they only want to adopt to post about it, not be there for him and support and love him...
this is beyond me.

— Douniazed (@douniabedboudi) May 10, 2021

Парот неодамна повторно беше мета на криткики откако Ники откри дека со Ден се одлучиле за еутаназија на нивното здраво 10-годишно куче Боусер, откако тоа го каснало нивниот син Логан.

Ники вели дека тоа било најтажниот ден во нивниот живот, но нивните следбеници не се согласуваат со одлуката за еутаназија и велат дека би требало да му обезбедат нов дом на кучето, а не да го успијат.

По овие настани дури се потпишува петиција против Јутуб каналот на парот.

https://twitter.com/defnoodles/status/1391153262221352960

С. С. | Црнобело