Принцот Хари е копија на дедо Филип во младоста: „Тој беше главен скараџија со легендарен хумор“
- Детали
- вторник, 13 април 2021
Принцот Хари вчера упати мошне емотивна порака на социјалните мрежи со која се прости од неговиот дедо, Принцот Филип. Дополнително, во текот на викендот се појавија фотографии од Принцот Филип во младоста на кои се забележува огромната сличност помеѓу Принцот Хари и неговиот дедо.
По смртта на принцот Филип кој почина минатата недела на возраст од 99 години голем број познати личности и поранешни соработници споделија фотографии од Филип на социјалните мрежи, со цел да искажат почит.
На една таква фотографија може да се забележи во колкава мера Принцот Хари потсетува на неговиот сега веќе покоен дедо.
Фотографијата беше споделена на Инстаграм од страна на кралскиот фотограф Крис Џексон, на која се гледа насловната страница на старо списание од 1957-та година.
Инаку се смета дека фотографијата на принцот Филип е колоризирана од црно-белиот оригинал, но тенот на Принцот Филип, бојата на очите и бојата на брадата се речиси исти со оние на Хари. Хари дури и сме имале можност да го видиме во истата униформа.
Инаку, во текот на вчерашниот ден, речиси веднаш по Вилијам, принцот Хари на социјалните мрежи се прости со Принцот Филип. Неговата објава во голема мера се разликува од официјалниот говор на престолонаследникот Вилијам. Еве што напиша Хари:
„Дедо ми беше човек што служеше, чесен човек и со одлична смисла за хумор. Тој беше автентичен, мошне остроумен и можеше да го задржи вниманието кај сите благодарение на неговиот шарм – и заради тоа што никогаш не се знаеше што следно ќе каже.
Тој ќе биде запаметен како најдолгогодишен придружник на монархот, одликуван службеник, принц и војвода. Но, за мене, како и за сите вас што загубивте некој сакан или баба или дедо во болката од последната година, тој ми беше дедо; главен на скарата, со легендарен хумор и смел до „самиот крај“.
Тој беше главна потпора за нејзиното височество Кралицата со неспоредлива посветеност, беше покрај неа цели 73 години во брак и иако може да продолжам и натаму, знам што би ни рекол на сите нам, со пиво во раката: Ај продолжи понатаму!
Па затоа, дедо, ти благодарам за службата, за твојата посветеност кон баба ми и затоа што секогаш си бил тој што си. Многу ќе ни недостасуваш, но секогаш ќе те паметиме – и нацијата и целиот свет. Меган, Арчи и јас (како и твојата идна внука) секогаш ќе имаме посебно место во нашите срца за тебе.
Per Mare, Per Terram“ (лат. На море и на копно – станува збор за латински израз што е прифатен од страна на кралските Маринци и означува борба на море и на копно).
Б. С. Б. | Црнобело
Би можело да ве интересира:
Препорачуваме
Најчитани неделава
