Бодибилдер е мета на критики – се пофали дека неговиот 8-месечен син има мал процент масти во телото

Детали

петок, 09 април 2021

Твитерџија кој е опседнат со фитнес и здрава исхрана се најде на мета на критики откако се пофали дека неговиот 8-месечен син имал многу мал процент масти во телото, бидејќи со сопругата му давале само „здрава храна“.

Корисник на Твитер, познат како DrJrey, е фитнес фанатик со 10.000 следбеници на социјалната мрежа. Нo, бодибилдерот се најде на мета на критики откако сподели гордо дека неговиот син има мал процент масти во телото бидејќи со сопругата не му давале преработена храна.

Во објавата тој сподели и фотографија од него, сопругата и нивното дете.

„Нашиот 8-месечен син го храниме со непреработени јајца, непреработено овошје, непреработен зеленчук и вода. Најчесто ги блендираме зеленчукот и протеините, додека не може да џвака сам“.

Потоа, тој се фали дека неговиот син има многу малку масно ткиво во телото:

„Има малку масти бидејќи не јаде преработена храна. И, е многу згоден…“

https://twitter.com/RedemptiveKing/status/1378702600623824900

Но кратко по објавата, мажот беше остро критикуван од твитерџиите кои му нагласуваат дека тоа што му го први на детето не е воопшто здраво.

За бебињата е нормално да имаат повеќе масно ткиво од возрасен човек бидејќи им е од корист. Нив им треба многу енергија за развојот и зајакнувањето на нивниот имунитет, а поголемиот процент масти во телото им го овозможува токму тоа.

Поради ова, твитерџиите го „нападнаа“ таткото, стравувајќи дека е можно да му создадат проблеми со здравјето, а дел од коментарите гласат:

„Никој освен вас двајца не е горд што вашето бебе има малку масти. Тоа е бебе“.

„Честитки за вашето бебе кое нема масти. Навистина е ’нормално‘ да се фалите за тоа“.

„Ако го храните бебето само со ова што го наброја, се надевам дека ќе му кажете на педијатарот. Тој ќе ви објасни зошто правите грешка. Покрај тоа, да се фалиш дека бебето нема масти? Ужасно“.

„Мажов сигурно ги критикува другите бебиња кои изгледаат нормално“.

„На бебињата им требаат масти за нивниот развој, но очигледно на овие родители не им е јасно тоа“.

„Се прашувам колку нарушувања во исхраната ќе има ова дете до 10-годишна возраст“.

„Овој маж му ја пренесува својата несигурност за изгледот на детето. Бебињата треба да бидат дебелки и среќни!“

Што мислите вие за ова?

Спирова С. | Црнобело