Се роди девојче од ембрион смрзнат пред 27 години - „Ни го промени животот“

Детали

среда, 02 декември 2020

Прекрасно девојче од 3 килограми се роди од ембрион смрзнат пред 27 години – ова е историски момент и доказ за развојот на медицината и технологијата.

Тина Гибсон ја родила Моли Еверт Гибсон на 26-ти октомври во Тенеси. Тина и нејзиниот сопруг избрале ембрион од каталог со донори, а таа имала само една година кога во 1992 година бил смрзнат ембрионот од кој се родила Моли,

Ова е историски момент затоа што е ембрион кој бил смрзнат најдолго време пред да се направи трансфер во матката на Тина.

Моли го победи рекордот на нејзината сестра, која се родила во 2017 година од ембрион смрзнат 24 години, кој исто така бил трансфериран во матката на Тина.

Ембрионите од кои се родиле Моли и Ема биле смрзнати на ист ден, односно 14 октомври 1992 година, и девојчињата денес имаат комплетно генетско совпаѓање како сестри.

Ембрионите биле смрзнати во „National Embryo Donation Center“ во Тенеси, а Тина и нејзиниот сопруг избрале од каталогот на донори. Oвој случај е доказ за напредокот на медицината и технологијата.

Тина и нејзиниот сопруг долги години се бореле со неплодноста, а посвојувањето ембриони и напредокот на медицината им помогнал да си ги остварат своите соништа.

„Посвојувањето ембриони ни го промени животот. Ема знае што значи зборот ембрион, тоа е чест поим во нашиот дом и нашите ќерки ќе ја знаат нивната животна приказна.“ - изјавила мајката.

С. С. | Црнобело