Пустошот од експлозијата во Бејрут - главниот град на Либан, низ фотки и видеа

Детали

среда, 05 август 2020

Во вторникот, главниот град на Либан беше потресен од огромна експлозија. Она што на почетокот изгледаше како неколку огномети и малку чад, за само неколку секунди се претвори во експлозија што повреди над 4.000 луѓе.

Уште потрагично е што во настанот загинаа можеби над 100 лица досега.

Причината за експлозијата уште останува мистерија и додека некои тврдат дека можеби станува збор за напад, властите изјавија дека во таа област се ракувало со високо експлозивни материјали, па оттаму и експлозијата.

На социјалните мрежи веднаш почнаа да се појавуваат видеа од експлозијата, дел од нив направени толку одблиску, што многумина почнаа да се прашуваат и за безбедноста на оние кои ги снимале. Фотографиите, пак, го покажуваат пустошот кој е последица од ужасната експлозија.

Footage of the massive explosion at #Beirut port a short while ago. It's truly frightening. #Lebanon pic.twitter.com/OZ0hZ5SwlC

— Nader Itayim | ‌‌نادر ایتیّم (@ncitayim) August 4, 2020

Huge blast in Beirut just now! pic.twitter.com/hId8JhZMKV

— Tobias Schneider (@tobiaschneider) August 4, 2020

Болниците во Бејрут, кои веќе се справуваат со пандемијата, брзо биле преполнети, а веднаш почнале да се бараат и донации од крв.

Уште поголем проблем е што многу локални жители се загрижени и дали воздухот е безбеден за дишење после експлозијата, најмногу бидејќи многу домови беа уништени, па многу луѓе немаат каде да се засолнат.

Looks like at least one warehouse by the port went up. Widespread damage from the blast throughout the city.https://t.co/G2O4VjnbDd

— Tobias Schneider (@tobiaschneider) August 4, 2020

Либан со години се справува со кризи – покрај пандемијата, овде има и економска криза, а речиси половина од населението живее во сиромаштија.

Во државата имаше и 15-годишна граѓанска војна, а неретко се наоѓа и среде многу регионални конфликти. Поради ова, многумина се загрижени дека експлозијата ќе има катастрофални последици за целата држава.

https://twitter.com/Lobnene_Blog/status/1290675724416884739

Според премиерот на Либан, во склад на пристаништето цели 6 години имало 2.700 тони амониум нитрат, што најверојатно е „виновник“ за експлозијата. Сепак, не се знае зошто се запалила хемикалијата.

Реакцијата на маж на местото на експлозијата:

Пристаништето во Бејрут е непрепознатливо...

Уште фотографии на следната страница...