Коби го поместил летот за 45 минути порано – фатална грешка која за жал ја плати со живот

Детали

петок, 19 јуни 2020

Истрагата открива дека Коби го поместил летот со хеликоптерот за 45 минути порано, кога маглата туку што почнала да се спушта и да станува густа, а пилотот мислејќи дека ги искачува облаците - се упатувал кон брдо.

Документите од истрагата на несреќата откриваат дека Брајант побарал од својот личен асистент да го презакаже летот од 9.45 часот за во 9 часот, за да може да го гледа претходниот кошаркарски натпревар.

Според истрагата, пилотот на хеликоптерот бил дезориентиран заради маглата, која малку подоцна утрото почнала да се расчистува, па можеби ако летот не бил презакажан за порано, немало да се случи трагичната несреќа.

„Го променив времето на летот претходната вечер, веројатно околу 6 или 7 часот вечерта, бидејќи Брајант одлучи дека сака да го гледа претходниот натпревар. Требаше да полетаат во 9.45 но наместо тоа полетаа во 9 часот.“ – изјавила личната асистентка во истрагата.

Хеликоптерот се сруши нешто пред 10 часот утрото, а на камери од местото на несреќата може да се забележи спуштена магла во тоа време, која речиси го прикрива брдото и видливоста е минимална.

Но, 45 минути подоцна, маглата почнала да се крева, брдото станало повидливо и доколку полетале во првично договореното време, можеби би постоела шанса да се избегне трагичната несреќа.

Во документите од истрагата исто така се вклучени пораки помеѓу пилотот на хеликоптерот Ара Зобајан и неговите колеги, кои покажуваат дека тој ги игнорирал предупредувањата за лошото време, а утрото сметал дека не е толку лошо и дека времето треба да е во ред.

Сепак, заради лошите временски услови утрото, пилотот изгубил ориентација во густата магла и мислејќи дека се качува нагоре и ги пробива облаците, тој всушност се упатувал кон брдото, што доведе до трагична несреќа, во која тој и ќеркичката Џиџи го загубија животот, исто како и пилотот и останатите патници кои летаа со нив.

М. М. | Црнобело