Жената чиј талент вирално се рашири ја испеа Shallow и кај Елен – докажа дека видеото не било наместено (видео)

Детали

четврток, 27 февруари 2020

Се сеќавате ли на жената од метро во Лондон која го доврши текстот на Shallow и неочекувано го воодушеви светот? Сега ја испеа целата песна и го докажа талентот.

Во видео предизвик, Кевин Фрешвотер бараше од рандом минувачи да го довршат со пеење текстот од песна која тој ќе ја започне.

Покрај многуте минувачи, онаа која најмногу остави впечаток беше Шарлот, која ја запеа Shallow и неочекувано го изненади Кевин, но и целиот свет кој се воодушеви од нејзиниот талент.

https://www.instagram.com/p/B81e6Skh7ak/

Елен не дозволи тоа да остане така, па ја покани во нејзиното шоу, каде Шарлот уште еднаш го покажа нејзиниот талент и им ги „затвори устите“ на сите оние кои мислеа дека видеото било наместено.

Она што е интересно како статистика е дека видеото веќе има повеќе од 16 милиони прегледи, заради видеото, песната Shallow стигна во топ 40 на iTunes, а на нејзиниот Инстаграм профил, од 4.000 следбеници, Шарлот сега има повеќе од 500.000 следбеници, меѓу кои е и Аријана Гранде.

Всушност, Шарлот е пејачка веќе 15 години, а пее по свадби и прави секакви свирки, благодарение на нејзиниот татко кој ѝ дал совет да пее секаде, каде и да е.

https://www.instagram.com/p/B6wqMHAhoaP/

Елен е позната и по тоа што ги дарува нејзините гости, а за Шарлот имаше посебно изненадување – 1 година бесплатно возење во лондонското метро плус 10.000 фунти.

М. М. | Црнобело