Кој е таинствениот руски милијардер кој го отстапи својот дворец во Канада на Меган и Хари?

Детали

четврток, 16 јануари 2020

Иако Меган и Хари одбиваа да го откријат идентитетот на мистериозниот сопственик на дворецот во Канада, сега е откриено кој стои зад овој имот.

Кралската двојка првиот Божиќ со својот син Арчи го помина во дворецот во Канада кој е во сопственост на рускиот милијардер Јуриј Борисович Милнер (59).

Милнер е руски претприемач, интернет гуру и физичар. Тој е највлијателен руски технолошки инвеститор. Тој е ко-основач и поранешен претседател на компанијата Mail.ru Group и основаш на инвестициската компанија DST Global. Милнер преку DST Global е и инвеститор во компаниите Facebook, Zynga, Twitter, Spotify, Groupon, Alibaba, Airbnb, WhatsApp и многу други.

Првите 200 милиони долари кои ги вложил во Фејсбук ги има претворено во 4 милијарди добивка за неговиот фонд.

Милнер е долгогодишен пријател со Марк Закерберг со кој заедно ја имаат иницирано годишната награда за револуционерно откритие во науката, покрај Милнеровиот проект за потрага на вонземски цивилизации.

Според Форбс, Русинот е на листата на 100 најголеми бизнис умови.

Луксузниот имот во Канада каде што Хари, Меган и нивниот син Арчи го поминаа својот прв Божиќ вреди 14,1 милион долари и има 8 спални соби. Јуриј го купил овој имот во 2012 година.

Женет е за поранешниот модел Јулиа Милнер.

Е. П. | Црнобело