Децата од САД и Мексико си играат заедно на клацкалките на ѕидот што ги одделува државите
- Детали
- среда, 31 јули 2019
Неодамна, на ѕидот што ги одделува САД и Мексико беше поставена клацкалка. На големо изненадување, клацкалката веднаш станала хит – и децата и возрасните од двете страни на ѕидот со задоволство ја користеле.
Клацкалките се поставени помеѓу Ел Пасо, Тексас и Суидад Хуарез во Мексико. Целиот проект е дело на професорот по архитектура Роналд Раел, од Универзитетот Беркли во Калифорнија и професорката по дизајн Вирџинија Сан Фратело, од Универзитетот Сан Хозе.
Роналд објавил видео на неговиот Инстаграм профил од клацкалката и за многу брзо добил над 32.000 допаѓања.
„Децата и возрасните од двете страни на ѕидот беа поврзани на значаен начин и покажаа дека она што се случува на едната страна, има директни последици на другата“, стоело во неговата објава.
Претседателот Трамп можеби најмногу се прослави поради неговата желба да направи ѕид помеѓу САД и Мексико, нешто што беше дочекано со многу критики. Но, Трамп не е првиот американски лидер со ваква идеја. Претседателите Џорџ Х. В. Буш, Бил Клинтон и Џорџ В. Буш ги одобриле проектите за проширување на ѕидот.
Јавноста го прифатила овој проект и речиси сите имаат само позитивни коментари.
„Мислам дека е лошо што воопшто се направи ѕид. Од кога светот е место каде што другите кажуваат кој каде може да оди? Без разлика на расата и религијата, сите ние сме луѓе и треба да се прифатиме едни со други.“
„Најдобрата употреба на ѕидот.“
„Возрасните градат ѕидови помеѓу нациите – децата градат пријателства.“
Би можело да ве интересира:
Препорачуваме
Најчитани неделава
