Бразилец дал отказ од банка и на последниот ден од работа се појавил во Спајдермен костим

Детали

вторник, 29 јануари 2019

Непознат човек бил фотографиран на работното место во банка, пред компјутер, облечен во Спајдермен костим.

За некои, последниот ден од работа е емоционален и тажен, за друг, тежок и едвај чека да помине, а има и такви кои го претвораат последниот ден од работа во незаборавно искуство.

Бразилец од Сао Паоло, дал отказ од банка, а на последниот од работа, се појавил облечен во Спајдермен костим.

Фотките од него облечен како Спајдермен помеѓу колегите, вирално се проширија низ социјалните мрежи и медиумите.

Тој примал повици на слушалки и им помагал на колегите облечен како суперхерој, а во еден период од денот, тој дури и позирал легнат на биро, а неговиот колега го објавил и напишал:

„Последен ден од работа и овој човек го излудува шефот.“

Бразилецот за многу кратко време доби многу фанови, а еден од нив напишал: „Облекувај се за работата што ја сакаш, а не за работата што ја имаш.“

Овој човек знае како да си го направи животот поинтересен и го прави она што го сака.. 

М. М. | Црнобело