Кристално синото езеро во Казахстан во себе крие превртена шума

Детали

сабота, 05 јануари 2019

Во шумски дел на планинскиот масив Тиан Шан во Казахстан се крие езерото Кајнди, кое изгледа како уметничка слика на сцена од некоја бајка.

Езерото е формирано по земјотрес во 1911 година, а над неговата површина се гледаат стебла од дрвја.

Она што е интересно е што зелените делови на дрвјата се наоѓаат под површината на кристално сината вода.

Земјотресот формирал процеп кој низ годините се полнел со дождовница, а во него останале дрвјата од шумата.

Сцената во шумата е како надвор од овој свет, а оваа убавина постои повеќе од 100 години.

Езерото е популарна локација за домашните и туристичките нуркачи, кои поради големата проѕирност на водата можат да го истражуваат овој неверојатен природен феномен и да уживаат во убавините.

Погледнете како тоа изгледа на ова видео:

Е. Д. | Црнобело