Американците среќни за празничниот изглед на Белата куќа: „Џил Бајден не го мрази Божиќ како Меланија“

Детали

вторник, 28 ноември 2023

98 елки, 34.000 лампиони и околу 142.000 светилки – годинава Белата куќа е како од божиќна бајка. Како изгледаат волшебните декорации?

Традиционално, и годинава Белата куќа во Вашингтон е волшебно украсена за претстојната празнична сезона, а Џил Бајден ги покажа декорациите во понеделникот (27.11).

Темата за оваа година е „Магија, чудо и радост“, а целта е да ја претстави магијата на празничната сезона преку детските очи.

„Целосно присутни во убавината и изобилство околу нив, нивните срца се отворени за магијата, чудото и радоста на празниците“, изјави Првата дама на САД.

Белата куќа е украсена со 98 елки, речиси 34.000 лампиони и околу 142.000 светилки. И, многумина се согласуваат дека ова се можеби најубавите декорации во изминатите неколку години.

„Главната“ елка е висока пет и пол метри и на неа доминираат црвени лампиони.

Под елката, пак, има минијатура на снежно бајковито гратче.

Друг забавен детаљ е маса на која се наредени торти, колачиња и разни слатки со пастелни бои.

Во влезниот ходник од Белата куќа, пак, владее вистинска празнична магија со санка и ирваси кои изгледаат како да летаат.

На подот се наредени неколку елки, како и минијатурни куќи покриени со снег.

„Знам дека може да биде тешко да се најдат магијата, чудо и радоста кога деновите се пократки, а времето постудено, додека нашите срца се тажни поради проблемите во светот…

Но, во овие мигови кога бараме надеж и закрепнување, тогаш сме си најпотребни едни со други“, изјави Џил Бајден на прес-конференција.

Според објавите на Твитер, Американците се воодушевени од овогодишните декорации, па како и минатата година ги споредуваат со „хоророт на Меланија“:

„Белата куќа во време на Трамп и во време на Бајден“.

Trump White House at Christmas vs Biden White House at Christmas.… pic.twitter.com/FvGIdJXF7T

— Matt Couch (@RealMattCouch) November 27, 2023

„Овогодишните, нормални божиќни декорации од Белата куќа, презентирани од Џил Бајден, која не мрази божиќни декорации“.

This year’s normal White House Christmas decorations, presented by our First Lady Jill Biden, who doesn’t hate Christmas decorations. pic.twitter.com/Ggxe3Yp06N

— Mike Sington (@MikeSington) November 27, 2023

Повеќе фотки од магијата во Белата куќа:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело