Невеста ја откажа свадбата во последен миг и целиот аранжман го даде гратис на друг пар

Детали

петок, 19 октомври 2018

Коби сфатила дека повеќе не чувствува љубов кон својот свршеник и одлучила да ја „подари“ својата свадба.

Коби Сандерс (24) од Тексас по 4-годишна врска одлучи да стапи во брак со својот сакан. Парот направил аранжман од 3.000 евра, но неколку седмици пред свадбата невестата се премислила и одлучила дека не сака да се мажи.

Бидејќи сè било договорено и платено, од ресторан до цвеќе и фотограф, Коби одлучила да го подари аранжманот. Ги избрала 22-годишната Хејли Хипшер и нејзиниот партнер Метју Џонс.

Коби ќе биде почесна гостинка на свадбата на Хејли и Метју. Таа вели дека не ѝ е мака што нејзината свадба пропаднала. Открива дека тоа минало без скандали, но дека сфатиле дека повеќе не се вљубени и подобро било воопшто да не стапуваат во брак.

Сега Коби е во пријателски однос со поранешниот партнер и вели дека е среќна што собрала храброст да ја направи вистинската работа за нив двајца.

С. С. | Црнобело