Конечно Google речник

Детали

недела, 06 декември 2009

Сега може да му кажете збогум на Dictionary.com, а да му посакате добредојде на Google Dictionary. Најголемиот интернет пребарувач во светот, Google...

 

...лансираше речник на својата страна.

На страниците на Google, со досегашните алатки за пребарување, на адресата www.google.com/dictionary се наоѓа и речник, со чија помош можете да преведете фрази од англиски на 27 светски јазици и обратно.

Освен преводот, на страницата можете да слушнете како се изговараат зборовите на англиски. Речникот на Google се појави во саботата навечер, без никакви службени најави.

Судејќи според некои елементи на речникот, кои првично не функционираат беспрекорно, можно е да се работи за прва верзија, која Google одлучил да ја испроба меѓу случајните посетители.

Меѓу понудените јазици, за жал, го нема македонскиот. Но, да се надеваме дека во блиска иднина ќе се оствари и тоа.