Вози 6 години рикверц

Детали

вторник, 18 август 2009

Откако се вратил од една забава во 2003 година, колата му била расипана. Му работел само рикверцот. Почнал да вози назад и станал славен во градот Батинда.

 

Харпет Дев (30) дури и од владата добил посебна дозвола за возење наназад. На него толку многу му се допаѓало возењето наназад така што сега има 4 брзини за возење назад и само една за напред. Индиецот без проблем достигнува и брзина од 80 km/h.

“Го усовршив возењето наназад и среќен сум бидејќи се разликувам од останатите и сум посебен. Ставив и сирена која на останатите возачи им сигнализира дека поминувам“ - вели Харпед Дев.

Неговото постојано возење наназад има и нус појави. Почнал да го боли вратот, а има и проблеми со карлицата. И покрај тоа нема намера да се откаже и да почне да вози на “нормален“ начин.