Алергичен на Wi-Fi

Детали

сабота, 25 јули 2009

Познатиот британски ди-џеј Afterlife открил дека има силна алергија на Wi-Fi сигнали, од кој му се врти во глава, се чувствува болно и дезориентирано.

 

Тоа го натерало да побегне од цивилизацијата. Тој не може да патува со воз, да спие во хотел или да се шета низ центарот на градот бидејќи е чувствителен на електросмог, кој се создава со голема количина на безжични бранови.

Околу 2% од популацијата пати од “електромагнетна хиперсензитивност“ додека бројот на компании кои испраќаат Wi-Fi  сигнали е во голем пораст.

“Се чувствувам како прогонет од сопствената планета. Денеска е речиси невозможно да пронајдете место каде нема Wi-Fi сигнали“-вели ди-џејот чие вистинско име е Стив Милер.

“Ако сакам да одам на пиво, морам да патувам 3 милји со пабот кој нема безжичен интернет. Не можам да отидам ни во продавница. Веднаш ме боли глава и морам да седнам“

Единствено место каде може да се опушти е неговата куќа со речиси половина метар гранитни ѕидови кои ги одбиваат Wi-Fi сигналите.