Мрачната приказна за тинејџерка од САД - 10 години била држена во ропство и злоупотребувана: „Уште имам трауми“

За мигот кога дошол крајот на нејзиното ропство Тања вели:

„Дојде полицијата и ме праша дали јас сум исчезнатата тинејџерка Тања Никол Кач.

Бев преплашена, но им кажав „да“. Тоа беше наједноставната, но и најтешката работа која некогаш сум ја кажала. Тоа беше крај на мојата 10-годишна тортура“.

Поминати се повеќе од 20 години од мигот кога Тања била ослободена од „затворот“ во кој ја држел Томас Хоус. Тогаш имала 24 години.

Таа денес живее во Пенсилванија со сопругот Карл (54) и неговите ќерка (33) и син (28).

„Мислев дека никогаш нема да се спасам од тој хорор и две децении повторно уште ја раскажувам мојата приказна за ниту едно дете да не мине низ тоа.

Од такво искуство никогаш не закрепнуваш, но сега пронаоѓам утеха во љубовта кон моето семејство“.

За периодот кога Томас успеал да ја придобие нејзината доверба кога одела на училиште таа вели:

„Тој беше шеф на обезбедувањето во моето училиште, а јас бев задевана на училиште и минував низ тежок период поради разводот на моите родители, па бев воодушевена што имам некој со кој можам да разговарам.

Фактот што беше постар, односно имаше 38 години, направи да се чувствувам специјално.

Ме убеди дека со него ќе имам подобар живот, толку многу ме манипулираше што верував дека со него ќе имам бајка со среќен крај.

Првата седмица животот во неговата куќа ми изгледаше како авантура. Ми дозволуваше да пушам и ме третираше како еднаква на него.

Гледавме до доцна телевизија, носеше храна од надвор и си ја планиравме иднината.

Бев премлада за да сфатам дека манипулира со мене, но само една седмица подоцна неговата злоупотреба започна.

Продолжува на следната страница...