Капетан на крузер оставил 8 патници на мал остров во Африка - доцнеле повеќе од еден час

Детали

петок, 05 април 2024

На мал остров во Африка, осум патници го испуштиле времето за качување на крузерот со којшто патувале, па капетанот тргнал без нив. Тие успеале да го стигнат бродот на друго пристаниште, околу десет дена подоцна, а мислењето на јавноста е поделено - некои се на страната на патниците, а други ги критикуваат бидејќи не почитувале едно едноставно правило.

Група туристи кои патувале со крузер биле „заглавени“ на мал остров во Африка скоро 10 дена, откако бродот ги оставил бидејќи доцнеле цел час.

Од осумте патници, шестмина ги оставиле нивните пари на бродот и со себе немале практично ништо.

Откако патниците беа „спасени“, дел од јавноста ја критикуваше компанијата одговорна за патувањето - Norwegian Cruise Line - додека многумина ги насочуваат критиките кон патниците, нарекувајќи ги неодговорни.

Крузерот на Norwegian Cruise Line

Па, што точно се случило?

На 27-ми март, крузер кој патувал покрај брегот на Африка застанал на малата островска држава Сао Томе и Принсипе.

Овде, осум туристи нашле приватна тура за разгледување на островот. Но, турата траела подолго од планираното, па тие сфатиле дека нема да стигнат навреме до пристаништето, пред крузерот да го продолжи патувањето.

Групата туристи ја сочинувале Џил и Џеј Кемпбел (пар од Америка), како и уште шест патници од САД и Австралија.

Џеј и Џил Кемпбел

Патниците успеале да стигнат на пристаништето додека бродот сè уште бил таму, по што туристичкиот водич кој бил со групата го контактирал капетанот.

Но, тој одбил да им дозволи да се качат изјавувајќи дека бродот е веќе подготвен за тргнување.

Една од жените од групата пробува да се качи на бродот

Набрзо потоа туристите дознале дека крузерот оставил уште еден патник – 80-годишна жена која била хоспитализирана поради медицински проблем што ѝ предизвикал проблеми со сеќавањето, но и видот.

Притоа, во групата оставени туристи имало и бремена жена, еден патник со проблеми со срцето, а четворица од нив биле постари луѓе.

80-годишната жена која била хоспитализирана

Сите патници, освен Џил и Џеј Кемпбел, ги оставиле нивните пари и картички на бродот. Па, парот од Америка се погрижил за нив и наводно потрошиле над 5.000 долари за храна и сместување додека чекале да бидат „спасени“.

Во неделата, 31-ви април, американската амбасада во Ангола им обезбедила лет на патниците до африканската држава Гамбија бидејќи крузерот застанувал таму.

Па, идејата била патниците да се качат од тамошното пристаниште.

Патниците поминале 15 часа патувајќи низ шест африкански држави за да стигнат навреме на пристаништето во недела.

Дел од групата во Африка

Но, бродот не бил на пристаништето во Гамбија на тој датум – морал да помине уште еден ден на отворено море бидејќи поради осеката не можел да се закотви.

Продолжува на следната страница...