Кралот Чарлс дијагностициран со рак, веднаш ќе почне со третмани

Детали

понеделник, 05 февруари 2024

„Кралот останува позитивен во однос на целото лекување, а реши веднаш да ја сподели својата дијагноза за да ги избегне сите шпекулaции за неговото здравје“, стои во соопштението што Бакингемската палата го сподели на Твитер.

Британскиот крал Чарлс Трети е дијагностициран со рак и веднаш ќе почне со третмани за лекување, објавија од Бакингемската палата.

Оттаму не открија за каков тип на рак се работи и во која фаза е во мометов.

Од палатата издадоа официјално соопштение во кое се вели:

„Во текот на неодманешната процедура со која се третираше бенигно зголемување на простата на кралот, беше забележана друга неправилност, по која беа направени испитувања, кои покажаа форма на рак.

Неговото височесто уште денес ќе почне со редовни третмани, но по препорака на лекарите ќе ги одложи сите свои појавувања во јавноста. Во текот на овој период, тој ќе продолжи со сите свои официјални должности и државни активности како вообичаено.

Кралот е благодарен на медицинскиот тим за брзата интервенција, која беше возможна поради неодамнешна болничка процедура. Тој останува позитивен во однос на целото лекување и со нетрпение очекува да ги исполни идnите јавни активности и должности.  

Неговото височество реши веднаш да ја сподели својата дијагноза за да ги избегне сите шпекулации за неговото здравје, а со надеж дека ќе може да им помогне и на други луѓе во светот кои имаат рак“, стои во соопштението што од платата го споделија на Твитер.

А. Ј. | Црнобело