Бизарно: Возрасни фанови на Тејлор Свифт носат пелени на нејзин концерт за да не испуштат ниту една песна

Детали

петок, 02 јуни 2023

Неколку девојки на ТикТок се пофалија дека носат пелени за возрасни на концерт на Тејлор Свит за да не испуштат ниту секунда од настанот. Но, колку бизарно и да ни звучи ова, се чини дека овој „тренд“ не е ништо ново помеѓу фановите на пејачката.

Секој од нас сонува барем еднаш да го слушне во живо својот омилен бенд или изведувач.

Многумина се подготвени да платат и многу пари за да присуствуваат на концерт на својот идол.

Но, повеќето сигурно не преземаат драстични мерки за да не испуштат ниту една песна.

Ова не важи за неколку фанови на Тејлор Свифт кои, од оваа причина, одлучиле да носат пелени за возрасни на нејзин концерт.

За бизарниот „тренд“ кој е популарен меѓу најголемите фанови на Тејлор, јавноста дозна од ТикТок.

Неколку девојки кои присуствувале на концерти на Тејлор, самите се пофалија за нивниот „генијален“ трик.

Една тиктокерка, Кетрин, присуствувала на концерт во Хјустон и на ТикТок откри дека покрај билети, ќе купи и пелени.

„Низ колку стрес поминав за да купам билети за Тејлор Свифт. Ќе купам и пелени за возрасни бидејќи не сакам да испуштам ниту една минута од концертот“, вели таа во видеото.

https://www.tiktok.com/@therealkatherine/video/7213119370648653098

Во коментари, таа добива поддршка:

„Ова е паметно“.

„Исто, не планирам да испуштам ниту една секунда“.

„За тие пари што ги дадов за концертот, и јас ќе го правам истото. Можно е и цел ден да не пијам вода“.

Друга тиктокерка, Маделин, сподели видео на кое се гледа како облекува пелена за возрасни пред да оди на концерт на Тејлор.

Овојпат, во коментари има и запрепастени корисници, но и девојки кои ја поддржуваат и велат и дека и самите носат пелени.

https://www.tiktok.com/@madelinedolaway/video/7234523804150615323

Една девојка споделила и видео од концертот, со опис:

„Никој не знае дека носам пелена“.

https://www.tiktok.com/@ilovejalepenochips/video/7212143995697237290

Бизарно, зарем не?

Спирова С. | Црнобело