„За среќа Камила знае како да стисне копче“ – Кралот Чарлс повторно мета на потсмев откако ја откри сцената за Евровизија (видео)

Детали

четврток, 27 април 2023

Кралот Чарлс и кралицата придружничка Камила синоќа во Ливерпул имаа задача да ја покажат сцената на која годинава ќе се одржи изборот за Евровизија, по што британскиот крал повторно стана хит на социјалните мрежи.„Дали Чарлс го промаши копчето?“, „Имаше само една работа да направи“ – се само некои од коментарите до видеата. Погледнете со кој негов потег стана мета на потсмев.

Веќе е познато дека Велика Британија годинава ќе биде домаќин на Евровизија во замена на минатогодишните победници од Украина.

Музичкото натпреварување ќе започне на 9-ти мај, а финалната вечер ќе се одржи на 13-ти мај, односно една недела по официјалното крунисување на британскиот крал.

Чарлс и Камила синоќа (26.04) ја покажаа сцената во Ливерпул, со што започна периодот на проби за настапите. 

Но, она што на твитерџиите и на останатите на социјалните мрежи најмногу им го привлече вниманието, е мигот кога кралот и неговата сопруга требаше да го притиснат копчето за да ја откријат сцената.

На видеото што кружи на социјалните мрежи се гледа како Камила го притиска копчето до половина, а Чарлс со еден прст целосно успева да го промаши големото розово копче.

Твитерџиите веднаш почнаа да го споделуваат видеото, а коментарите се најразлични:

„За среќа барем Камила знае како да притисне копче“, „Сигурно му се лизна прстот“, „Чарлс се плаши да не го повреди прстот“, „Кај нив дома вообичаено батлерот притиска копчиња“, „Дали Чарлс го промаши копчето?“, „Имаше само една работа да направи“ – се само некои од коментарите до видеата.

SCREAMING pic.twitter.com/IsY3du44EE

— Scott Bryan (@scottygb) April 26, 2023

King Charles and Camilla unveil Eurovision stage https://t.co/BTEVQ2oatH pic.twitter.com/ba7DQ7FUUt

— BBC News (World) (@BBCWorld) April 27, 2023

Инаку ова не е првпат Чарлс да биде мета на потсмев на социјалните мрежи заради неговите реакции. За потсетување, за време на погребот на кралицата Елизабета, на социјалните мрежи масовно кружеше видео на кое се гледа како тој беше видно изнервиран од пенкало.

Погледнете повеќе фотографии од евровизиската сцена во продолжение:

 Б. С. Б. | Црнобело