Зошто Новак Ѓоковиќ јаде трева по секоја победа на Вимблдон?

Детали

вторник, 16 јули 2019

Во најдолгото финале во историјата на Вимблдон, Новак Ѓоковиќ го победи Роџер Федерер и ја освои петтата титула.

Традицијата што започна во 2011-та година, по освојувањето на првата титула на престижниот натпревар во Лондон, Новак ја продолжи и оваа година. После неговата победа, тој скина и изеде малку трева од теренoт.

Оние кои ја следат кариерата на познатиот тенисер веќе го знаат и веројатно го очекувале овој потег. Но, многу помлади гледачи реагираа со вистинско изненадување.

Приказната зад оваа традиција е навистина сентиментална. Како што објаснил и самиот тенисер, јадењето трева после секоја победа на Вимблдон било поврзано со ветувањето кое си го дал кога бил дете.

„Тоа е моја мала традиција. Како дете, сонував да победам на Вимблдон, па како и секое дете, и јас си замислував како ќе направам нешто лудо откако ќе ја постигнам целта. Самиот себе си реков: Ако победиш, мора да изедеш трева од тој терен.

Тревата од Вимблдон ми е како десерт, навистина е вкусна, а тој чин преставува симбол на мојата победа.“

Number five tastes good ?#Wimbledon | @DjokerNole pic.twitter.com/ktpL2usWOw

— Wimbledon (@Wimbledon) July 14, 2019

За победата, на Новак му честитаа многумина, па дури и Кенсингтонската палата. Шампионскиот пехар му го додели никој друг, туку војвотката од Кембриџ, Кејт Мидлтон.

На свеченоста после епското финале, Новак позираше со пехарот во раце заедно со Симона Халеп, победничката на женското финале.

Your 2019 Champions ?#Wimbledon pic.twitter.com/saAidwQlmN

— Wimbledon (@Wimbledon) July 15, 2019

Спирова С. | Црнобело