Доказ дека Роналдо не е обичен човек: Дневно крева по 16 Тојоти и трча побрзо од воз

Детали

среда, 22 октомври 2014

Веќе неколку години се зборува за неверојатните способности и рекордите кои ги надминува еден од најдобрите фудбалери во светот.

Кристијано Роналдо импресионира со своите физички способности кои се на граница на неверојатното и невозможното.

Многу пати се спомнува дека тој делува како да не е од оваа планета. Кога само ќе се погледнат сите статистики и податоци за она што го може, не може да го сметате за обичен човек. Тој, дефинитивно има нешто повеќе од другите.

- Роналдо во текот на дневните вежби во теретана подигнува тежина која е еднаква на тежината на 16 автомобили Тојота Приус.

- Има помалку телесни масти од супермоделите.

- Опсегот на градниот кош му е 62 cm

- Неговите реакции на теренот се толку брзи што би можел да го обиколи светот за 31 час побрзо од брзиот воз.

- Секоја сезона во просек истрчува 628 km, колку што е патот од Мадрид до Лисабон.

- Во текот на една сезона истрчува 900 спринтови повеќе од просечниот атлетичар на кратки патеки.

- Скокот во висина му е 44 cm

- Скокот во далечина му е 78 cm

- Кристијано Роналдо може да скокне во висина 7 cm повеќе од просечниот NBA играч.

Спортските стручњаци кои се занимаваат со овој феномен, тврдат дека неговите резултати се склоп на неколку работи: генетика, многу индивидуални тренинзи, стручната помош од сите експерти во клубот и неговата огромна страст и желба за да ги постигне.