Најтрофејниот англиски клуб, Манчестер Јунајтед е најскап клуб во светот

Детали

среда, 16 јули 2014

Најтрофејниот англиски фудбалски клуб, Манчестер Јунајтед официјално е најбогатиот клуб во светот по потпишувањето на 10-годишниот договор со спортскиот бренд Adidas, кој ќе ги изработува нивните дресови од следната сезона, соопшти Форбс.

Тие потпишаа рекорден износ од 750 милиони фунти за тие 10 години, со што официјално, вкупната вредност на Манчестер Јунајтед изнесува 3,6 билиони долари и е пред Реал Мадрид, чија вредност изнесува 3,3 билиони долари.

„Црвените ѓаволи“ ќе ги имаат најскапите дресови  и најскапиот спонзорски договор.

Покрај Adidas, уште еден значаен спонзор е автомобилската марка Chevrolet кој на Јунајтед му плаќа 80 милиони долари.

По една лоша сезона, време е за пресврт со сите нови позитивни промени, новиот менаџер Луј Вангал, новите засилувања потпишани и оние кои се очекуваат пред почетокот, време за шампионите да се вратат на врвот.