Потрошил цело богатство за да не ја загуби косата, носи шорцеви од 650 евра – Како Роби Вилијамс ги троши милионите?

Вложувањето во недвижности за богатите и славните е инвестиција. Роби купил куќа во Швајцарија, Лос Анџелес, а исто така има и голема палата во Англија, што ја купил уште во 2009-та година.

За имотот во Англија е интересно тоа што се смета дека палатата е опседната со духови и тој неколкупати се обидел да ја продаде, но никој не сака да ја купи.

Познато е дека Роби не штеди кога станува збор за облеката, но ова се однесува и на шорцевите за капење и облеката што ја носи на плажа. Тој беше фотографиран во шорцеви за капење на Versace што чинат 650 евра, а изгледот го дополни со очила за сонце од Louis Vuitton и влечки од Gucci.

Познато е дека сака да оди на одмори, па затоа воопшто не зачудува фактот дека дал 8 милиони фунти за сопствена јахта.

Како голем љубител на фудбалот и како навивач на Port Vale тој одлучил да купи дел во својот омилен клуб. Никогаш не се дозна колку пари потрошил за да биде дел од менаџментот, но во 2020-та година помогнал да се дизајнираат дресовите на клубот.

Во една прилика Роби откри дека свршеничкиот прстен на неговата сопруга Ајда е една од најскапите работи што ги купил во животот. Никогаш не откри за колкава сума се работи, но ако се земе предвид неговиот раскошен начин на живот, може да се предвиди дека прстенот навистина чинел скапо.

 Б. С. Б. | Црнобело