Ал Пачино (82) на гости кај бившата, додека е во врска со 54 години помлада девојка – Бурниот љубовен живот на актерот

Детали

четврток, 16 март 2023

Ал Пачино беше забележан како излегува од домот на поранешната девојка Лусила Сола која е 36 години помлада од него. Но, ова не е неговата најмлада девојка – моментално тој е во врска со 29-годишната Нур Алфала. Што знаеме за бурниот љубовен живот на актерот?

Ал Пачино и неговата поранешна девојка Лусила Сола раскинаа во 2015-та, но неодамна беа забележани заедно.

82-годишниот актер моментално е во врска со друга жена и наводно помеѓу него и Лусила не се случува ништо, туку само се многу добри пријатели.

Актерот и поранешната девојка беа забележани пред нејзиниот дом каде што Ал Пачино бил на гости.

Од фотките се гледа дека Лусила навистина се грижи за актерот. Додека тој излегуваше од дворот, таа му го држеше чадорот и потоа внимателно му помогна да влезе во автомобилот.

„Многу се блиски, но не им било судено да бидат заедно. И двајцата се посветени на нивната работа, па одржувањето врска отсекогаш им било тешко“, сподели извор близок до актерот кратко откако се разделија.

Инаку, Лусила е мајка на Камила Морон – поранешната девојка на Леонардо ди Каприо.

Возрасната разлика помеѓу актерот и Лусила е голема – 36 години – но ова не е најмладата девојка што ја имал актерот.

Всушност, неговата сегашна девојка има само 29 години.

Во продолжение, нешто повеќе за девојките на Ал Пачино:

Џил Клејбур

Пред да стане светски познат, Ал Пачино пет години беше во врска со актерката Џил Клејбур.

Во 1970-тите тие живееја заедно, но актерот ја оставил без навидум никаква причина.

Џил почина од леукемија во 2010 година.

Тјусдеј Велд

Актерот и Тјусдеј се гледаа кратко во 1972 година, а според некои извори, тој ја напуштил Џил токму поради неа.

Дајен Китон

Дајен и Ал Пачино се запознаа во 1971 година и веднаш почнаа врска. Се разделија, но потоа повторно се смирија.

Всушност, тие раскинуваа и се смируваа сè до раните 1990-ти.

Марта Келер

Актерите се запознаа на снимање и беа заедно од 1977 до 1979 година.

Продолжува на следната страница...