Збунето гледа кон папараците, го одмина автомобилот – ретко појавување на Брус Вилис по дијагнозата со деменција (фото+видео)

Детали

петок, 03 март 2023

Брус Вилис изгледаше збунето на првото појавување во јавност откако неговото семејство откри дека има деменција и дека честопати не ги разбира што му зборуваат. Неговата сопруга сподели дека најмиле искусна терапевтка, благодарение на кој актерот сигурно ќе има среќен и исполнет живот, без разлика на болеста.

Брус Вилис беше забележан во Калифорнија, првпат откако неговото семејство откри дека има фронтотемпорална деменција.

67-годишниот актер се пензионира минатата година, по дијагнозата со афазија. Тој најпрво покажувал симптоми на оваа болест, а потоа било утврдено дека има фронтотемпорална деменција, која е всушност вид афазија.

Брус беше снимен како купува кафе, а потоа и како оди кон автомобил со двајца пријатели.

Во еден миг, актерот збунето погледна кон папараците и го одмина автомобилот, а едниот од пријателите го насочи кон него, по што актерот влезе внатре.

Видеото со Брус почнува од 38-ма секунда.

https://www.youtube.com/watch?v=nXgE83a39bc

Извори блиски до актерот открија дека симптомите му се влошуваат и дека во поголемиот дел од времето не ги разбира саканите.

Неодамна, неговата сопруга сподели дека најмиле искусна терапевтка за деменција која им е од огромна помош во овој тежок период.

Подоцна и терапевтката даде комплимент за сопругата на актерот и нејзината грижа кон него.

„Ема завршила одлична работа со поддршката што му ја дава на Брус и создаде околина која му го овозможува она што му е потребно за да живее добро“.

Терапевтката откри и дека со поддршката што ја добива Брус, голема е веројатноста да има среќен и исполнет живот.

„Честитки до Ема и целото нејзино семејство за напорната работа и посветеноста. Навистина се неверојатни“, додава таа.

Спирова С. | Црнобело