Не им треба Чарлс за да живеат луксузно - Меган и Хари на скапа вечера во приватен клуб, откако беа избркани

Детали

четврток, 02 март 2023

Според извори блиски до Меган и Хари, тие биле гневни бидејќи кралот Чарлс ги избркал од куќата во Англија, но на последното појавување во јавност, парот беше во одлично расположение, а Меган беше облечена во аутфит од 2.000 долари. Според неколу кралски експерти, овој потег на Чарлс покажува дека Хари и Меган веќе немаат никакви шанси да го поправат односот со кралското семејство.

Принцот Хари сподели дека би сакал да го подобри односот со татко му, но веројатно тоа нема да се случи наскоро.

Деновиве, јавноста дозна дека кралот Чарлс ги избркал Хари и Меган од нивниот дом во Англија, а според извор близок до нив, тие биле „гневни поради суровата казна“.

Сепак, речиси веднаш откако веста допре до јавноста, Меган и Хари беа забележани во одлично расположение во Лос Анџелес.

Парот беше фотографиран пред просториите на ексклузивен приватен клуб каде што членарината изнесува 4.200 долари годишно.

Покрај приватноста, ексклузивниот клуб нуди и скапи оброци, а не е познато дали Меган и Хари самите се членови или само биле поканети од некој друг.

41-годишната Меган носеше долг капут кој наводно чини 1.610 долари, во комбинација со црни панталони и штикли од 635 долари.

Додека излегуваше од автомобилот пред клубот, Меган не ја тргна насмевката од нејзиното лице.

Принцот Хари беше во полежерно издание, a и тој изгледаше навистина среќно.

Меган и Хари имаа само една куќа во Англија – Frogmore Cottage – која ја добија од кралското семејство.

Наводно, тие биле избркани, односно добиле наредба од Бакингемската палата да ја напуштат куќата 24 часа пред да почне продажбата на мемоарите на принцот Хари.

Според извори блиски до кралското семејство, кралот Чарлс сепак ги предупредил дека ќе бидат избркани и им дал неколку недели да ги спакуваат нивните работи од куќата.

Друг извор тврди дека потоа кралот Чарлс сепак одлучил да им даде повеќе време:

„Изгледа дека кралското семејство сака целосно да се оттргне од нив. Хари и Меган треба да ја напуштат куќата до почетокот на летото. На почетокот им дадоа само неколку недели, но сега имаат повеќе време“.

Уште почудно во целата ситуација е што кралот Чарлс му ја понудил куќата на принцот Ендру кој беше поврзуван со педофилот Џефри Епстајн.

Поради ова, кралицата Елизабета му ги одзеде сите титули, освен титулата војвода од Јорк.

За Page Six, кралскиот експерт и автор Том Бауер тврди дека Меган и Хари самите се криви за целата ситуација:

„Хари и Меган го испровоцираа кралот Чарлс со срамната книга на Хари и неговите интервјуа. Мислам, што очекуваше?

Хари сакаше кралското семејство да клекне пред него и да му бара прошка, а тој ја премина секоја линија“.

Тој смета и дека ова е доказ дека Хари и Меган дефинитивно нема да присуствуваат на крунисувањето на кралот Чарлс.

„Ако дојдат Хари и, не дај Боже, Меган, тие ќе бидат во центарот на вниманието, додека целото внимание ќе треба да биде насочено кон Чарлс“, додава експертот.

Куќата која Меган и Хари ја добија како подарок од кралицата Елизабета беше на мета на критики уште кога парот се венча.

За реновирањето на куќата тие потрошиле околу три милиони долари, а британската јавност се разгневи откако се појавија шпекулации дека овие пари се од нивните даноци.

Меган и Хари на скапа вечера откако беа избркани од Англија:

• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело