Вирално видео: Џеј Ло го искара Бен Афлек бидејќи се досадува на Греми, откако го прекори за пиењето алкохол

Детали

вторник, 07 февруари 2023

По доделувањето на Греми наградите, се појави видео на кое се гледа како Џеј Ло го кара Бен Афлек бидејќи изгледа како да му е многу здодевно на церемонијата. Недела-две претходно, парот повторно се расправаше во јавност, наводно бидејќи Бен Афлек пиел алкохол на премиерата на новиот филм на Џеј Ло.

Откако Бен Афлек повторно стана меме поради неговите реакции на доделувањето на Греми наградите, сега се појавија фотки и видеа од настанот на кои се гледа како Џеј Ло се расправа со него токму поради овие реакции.

На целата церемонија, Бен Афлек изгледаше како да му е многу здодевно и едвај се насмевнуваше дури и кога позираше со Џеј Ло.

На видеото коешто почна да се споделува по наградите, во кадар е познатиот пар и е повеќе од очигледно дека се расправаат.

Најпрво Бен ѝ кажува нешто на Џеј Ло, на што таа реагира бурно. Во следниот миг, парот сфаќа дека камерата е свртена кон нив, па наеднаш ја прекинуваат караницата.

Според Daily Mail, Џеј Ло му рекла на актерот: „Престани. Изгледај попријателски настроено. Изгледај мотивирано“.

Тој, пак, ѝ одговорил: „Можеби“.

https://twitter.com/wofsy_stacy/status/1622445483602878466

Ова не е првата караница на парот во јавност – кон крајот на јануари, тие повторно се расправаа, овојпат на премиерата на новиот филм на Џеј Ло, Shotgun Wedding.

На видео кое стана вирално на ТикТок, парот се расправа на забава по премиерата и иако не се слуша што зборуваат, некои корисници тврдат дека причината е пиењето на Бен.

Наводно, Бен ѝ вели на Џеј Ло дека не се напил ништо, а таа го погледнува чудно додека пие вино.

На крај актерот само ѝ вели: „Џен“.

@celebritea.io #BenAffleck & #JenniferLopez at the #ShotgunWedding party! #ShotgunWeddingMovie #MoviePremiere #Hollywood #JLo #JoshDuhamel #BTS ♬ original sound - CelebriTea

Бидејќи Џеј Ло многупати има изјавено дека не пие алкохол, некои одат дотаму што тврдат дека таа пие од чашата на Бен за да провери што има во неа.

Други, пак, ја осудуваат зошто пие вино пред него кога е свесна дека актерот има долга историја со проблеми со алкохолизам.

Во меѓувреме, многу твитерџии се шегуваат дека Џенифер Гарнер – бившата на Бен Афлек – ја гледа целата драма помеѓу познатиот пар со огромна порција пуканки.

Спирова С. | Црнобело