Се изгладнуваат, прават пластични операции на очите – мрачната страна зад совршениот изглед на корејските поп-ѕвезди

Некои мораат да прават пластични операции

Забавната индустрија во Јужна Кореја е сурова, па многу од девојките и момчињата во к-поп бендовите прават и пластични операции за да го постигнат посакуваниот совршен изглед.

Од нив се очекува да имаат мал нос и полни усни, и што е можно потенко лице.

Не секој е роден со вакви карактеристики, па оние кои сакаат да успеат во оваа индустрија, мора да се согласат и на пластични операции.

Прават пластични операции и на очите

Можеби звучи чудно, но спуштените очни капаци кои се карактеристични за луѓето од Азија се сметаат за непривлечни во Јужна Кореја.

Поради ова, многу девојки прават и операција на очите.

И бојата на кожата може да биде проблем

Од к-поп ѕвездите се очекува да имаат многу светла кожа, речиси како на порцеланска кукла.

Исто така, тие не треба да имаат ниту една брчка на лицето.

Поради ова, често прават третмани за осветлување на кожата и измазнување на брчките, без разлика што имаат само 20-тина години. 

Целосно си го менуваат изгледот на забите

Веројатно веќе не сте изненадени што овие ѕвезди треба да имаат и совршена насмевка.

Па, тие носат протези, ги избелуваат забите, па дури и ги заменуваат забите со порцелански, само затоа што не им се совршени.

Прават липосукција на нозете

Слабите нозе се задолжителен адут за к-поп ѕвездите, а некогаш за ова не е доволно вежбањето.

За нив е особено важно да имаат простор помеѓу нозете, па некогаш одат и на липосукција за да ги отстранат масните наслаги.

Спирова С. | Црнобело