Ким Кардашијан покажа како ѝ изгледа косата во реалноста, по бројните бланширања и екстензии (видео)

Детали

среда, 04 јануари 2023

Долгата руса коса на Ким Кардашијан е всушност перика и екстензија, а вистинската коса на ријалити ѕвездата е кратка и видно оштетена од бројните фарбања и експерименти со фризурата.

Каде и да се појави, косата на Ким Кардашијан секогаш изгледа совршено. Без разлика дали е црнокоса или русокоса, сите секогаш завидуваме на бујната коса на ријалити ѕвездата.

Но, истовремено, на сите ни е јасно дека, најверојатно, во поголемиот дел од времето, Ким носи перика или барем екстензии за коса.

На постарите фотки и видеа од Ким, навистина можеме да ја видиме нејзината природна, бујна коса, но се чини дека честото експериментирање со фризурите си има и свои последици.

Периодов Ким се појавува со многу долга, руса, речиси бела коса, а сега откри дека тоа е само перика.

Ријалити ѕвездата сподели видео на ТикТок на кое покажува како всушност изгледа нејзината природна коса.

Во видеото, Ким е во лежерно издание со пижами, а покрај неа се појавува и ќерка ѝ Норт.

Нејзината коса, пак, иако е руса, достигнува едвај до рамената.

Косата на Ким е влажна, но сепак се познава дека е оштетена и ретка, најверојатно поради многуте експерименти со фризурите.

@kimandnorth

 

♬ original sound - ✰ Christmas sounds ✰

Всушност, Ким самата се пофали дека за Мет галата ја бланширала косата, а целиот процес траел 14 часа.

Претходно Ким имаше многу темна коса и обично се потребни неколку фарбања во период од неколку месеци за да се добие нијансата што ја има сега.

Но, таа ги направила сите третмани во еден ден.

„Сакав физичка промена, па поминав цел ден во фарбање на косата – 14 часа – за да ја добијам совршената боја“, сподели таа по Мет галата.

Неодамна, ријалити ѕвездата сподели и дека дури сега, на 42-годишна возраст, ќе почне да си дозволува да се опушта.

„Почнав да пијам малку на 42 години – кафе и алкохол. Мислам дека треба малку да се опуштам. Ми се чини дека многу работам“, изјави Ким, додавајќи дека се чувствува непријатно кога седи и не прави ништо.

„Па, сега минувам време со пријателите, пијам по некоја пијачка и останувам до подоцна. Претходно веројатно не би го направила ова“.

Спирова С. | Црнобело