Важеше за секс симбол, а заради ментална болест се повлече од јавноста - Каде е и што прави денес Ким Бесинџер?

По првиот брак имаше повеќе краткотрајни врски, меѓу кои и со пејачот Принц, сѐ додека во 1990-та година не го запозна Алек Болдвин.

Бесинџер и Болдвин стапија во брак во 1993-та година и заедно ја добија ќерката Ирланд. Иако многумина тврдат дека тој бил љубовта на нејзиниот живот тие се разведоа во 2002-ра година.

Нивниот развод беше проследен во медиумите заради јавните препукувања и борбата за старателство над Ирланд. Парот потроши над 3 милиони долари за правно застапување и по неколку години добија заедничко старателство.

„Со Алек честопати се случуваше да не можевме да се согласиме за многу работи. Тој е тежок човек и животот со него беше предизвик“ – рече Ким.

По разводот со Алек, Ким играше во филмот 8 Мile со Еминем и се ширеа гласини дека имала афера со познатиот рапер. Тоа е период во кој повторно западнала во депресија и почнала масовно да оди на пластични операции.

По ова имаше неколку улоги во други филмови, а во 2018-та година се појави во филмот „50 нијанси потемно“.

Таа неодамна гостуваше во емисија кај Џејда Пинкет каде за првпат отворено говореше за борбата со паничните напади и агорафобијата, односно стравот од излегување надвор.

„Тоа е како нешто целосно да те затвора и повторно мораш да научиш сѐ одоново. Јас морав да научам одново да возам“ – открива Ким.

Денес Ким се труди да живее повлечен живот и многу ретко се појавува во јавноста, а на ретките папараци фотографии веќе и не наликува на себеси. Таа тврди дека ќерка ѝ Ирланд најмногу ѝ помогнала да се избори со сопствените психички предизвици.

Б. С. Б. | Црнобело