Важеше за секс симбол, а заради ментална болест се повлече од јавноста - Каде е и што прави денес Ким Бесинџер?
- Детали
- сабота, 10 декември 2022
По првиот паничен напад се затворила дома и не излегувала 6 месеци, а вели дека потоа морала повторно да научи да вози. Разводот со Алек Болдвин ја погодил силно, по што почнала да прави голем број пластични операции – Каде е денес и што прави Ким Бесинџер?
За последен пат имавме можност да ја видиме во 2018-та година филмот „50 нијанси потемно“ и многумина веруваа дека тоа ќе значи нејзиното враќање на филмското платно. Но, Ким Бесинџер (68) во последните 4 години е целосно повлечена од јавноста и непрепознатлива.
Неодамна откри дека страда од тешко ментално заболување, агорафобија, што влијаело врз нејзината кариера, но и приватниот живот.
Агорафобијата е ментално заболување што означува страв од отворен простор, а лицата што страдаат од оваа болест најчесто се плашат да излезат на јавни места, каде има собир на луѓе и стравуваат дека може да им се случи нешто и нема да можат да добијат помош.
Во продолжение неколку интересни факти за актерката што долги години важеше за секс симбол:
Во минатото го носеше епитетот најубавата „Бонд девојка“, откако се појави во филмот „Никогаш не вели никогаш“, а воедно е и првата оскаровка што некогаш ја одиграла оваа улога.
Таа беше манекенка и се натпреваруваше на изборите за Мис пред да стане актерка, но речиси никој не знаел дека додека ги крадеше воздишките во целиот свет, во приватниот живот се борела со проблеми со психичкото здравје.
Таа неодамна раскажа дека првиот пат во 1980-та година имала паничен напад во маркет, по што цели шест месеци не излегла од дома.
„Корпата за пазарење беше речиси полна и одеднаш нешто ме обзема, па не можев ниту да дишам. Ја оставив корпата и отидов до автомобилот и тоа беше првиот пат кога се затворив речиси шест, седум месеци“ – раскажа таа.
Во овој период таа воопшто не излегувала од дома, а не можела да поднесе ниту некој да ѝ дојде дома на гости. Веднаш почнувала да чувствува нервоза.
Истата година стапила во брак со 14 години повозрасниот шминкер Рон Снајдер кого го запознала за време на снимање на филм.
По влегувањето во брак, тој дал отказ на работното место и го променил презимето во Бритон, затоа што таа сакала да ги има истите иницијали и кога го користела новото презиме.
Ким и Роб се развеле во 1989-та година пред Божиќ, а таа во наредните 8 години морала да му плаќа месечна сума во износ од 9.000 долари.
Роб објави книга мемоари насловена Longer Than Forever во која пишуваше за неговиот брак со Ким, но откри и дека таа за време на бракот имала афера со Ричард Гир.
Продолжува на следната страна...
Би можело да ве интересира:
![](https://www.crnobelo.com/media/com_jvrelatives/images/thumbs/com_content_106411_400.jpg)
![](https://www.crnobelo.com/media/com_jvrelatives/images/thumbs/com_content_106093_400.jpg)
![](https://www.crnobelo.com/media/com_jvrelatives/images/thumbs/com_content_111309_400.jpg)
![](https://www.crnobelo.com/media/com_jvrelatives/images/thumbs/com_content_108418_400.jpg)
![](https://www.crnobelo.com/media/com_jvrelatives/images/thumbs/com_content_110039_400.jpg)
![](https://www.crnobelo.com/media/com_jvrelatives/images/thumbs/com_content_105780_400.jpg)