Balenciaga обвинети за промовирање детска порнографија и педофилија во кампања – Ким Кардашијан сака да продолжи да соработува со нив

Детали

понеделник, 28 ноември 2022

Брендот Balenciaga се соочи со остри критики поради новата рекламна кампања на која има фотографии од дечиња кои позираат со играчки и садо-мазо облека и додатоци. Додека многу познати личности го осудија потегот, Ким Кардашијан одбива да ја прекине соработката со брендот, па и таа се најде на мета на критики.

На 21-ви ноември, модниот бренд Balenciaga ја разбранува јавноста со фотографии направени во склоп на рекламна кампања.

На фотографиите модели се мали дечиња, а проблемот за многумина е тоа што позираат со кадифени играчки во садо-мазо облека и додатоци покрај нив.

Јавноста смета дека фотографиите се морничави и вознемирувачки, но и дека се граничат со детска порнографија.

На една фотографија, мало девојче стои на кревет, а во рацете држи кадифено мече кое носи садо-мазо додатоци.

Мечето има мрежеста блуза, а на рацете и нозете има ремени. На креветот пред девојчето има разни продукти од модниот бренд.

Слична е и втората фотографија која се споделува на социјалните мрежи – девојче стои на тросед, а во рацете држи играчка која има кожени ремени.

Играчките се всушност чанти кои не се ни наменети за деца, поради што многумина сметаат дека воопшто немало потреба да ги рекламираат со дечиња.

„Одвратно“ и „морничаво“ се само дел од коментарите на Твитер, а откако кампањата стана вирална, некои корисници забележале и морничав детаљ.

На друга фотографија од кампањата се гледа црна чанта оставена врз куп расфрлани документи. Некои твитерџии тврдат дека во купот се гледа американски закон за детска порнографија во испечатена форма.

„Брендот Balenciaga само што направи интересна фотосесија со новите продукти која вклучува намерно лошо скриен судски документ за ’виртуелна детска порнографија‘“, пишува во објавата каде што е споделена фотографијата.

the brand "Balenciaga" just did a uh..... interesting... photoshoot for their new products recently which included a very purposely poorly hidden court document about 'virtual child porn'

normal stuff pic.twitter.com/zjMN5WhZ0s

— shoe (@shoe0nhead) November 21, 2022

Наводно, според овој документ, доколку станува збор за виртуелна порнографија, односно видео или фотографија со виртуелни модели, а не вистински деца, тогаш нема никаков прекршок.

Веб-сајтот Newsweek сподели дека фотографиите со документот се од друга кампања, но сепак на Balenciaga, по што многумина изјавија дека веруваат дека брендот суптилно пробува да промовира детска порнографија и педофилија. 

Поради притисокот од јавноста, модниот бренд ја отстрани кампањата и јавно се извини:

„Искрено се извинуваме за каква било навреда предизвикана од нашата празнична кампања. Нашите чанти како кадифени мечиња не требаше да бидат рекламирани со деца. Веднаш ја отстранивме кампањата од сите платформи.

Се извинуваме за покажување непријатни документи во нашата кампања. Сериозно го сфаќаме овој проблем и ќе ги тужиме лицата одговорни за сетот. Строго ја осудуваме злоупотребата на децата во која било форма“.

Во меѓувреме, Бела Хадид ги избриша нејзините фотографии направени во соработка со Balenciaga, а многумина очекуваа и Ким Кардашијан да го направи истото.

Ријалити ѕвездата има соработувано на бројни кампањи со брендот и фановите очекуваа да ја прекине соработката.

Но, цела недела Ким не се огласи, а кога конечно го направи тоа, изјави дека одбива да прекине соработка со брендот.

„Молчев изминативе неколку денови не бидејќи не бев шокирана и гневна од новите кампањи на Balenciaga, туку бидејќи сакав можност да зборувам со нивниот тим за самата да сфатам како можело да се случи нешто вакво.

Како мајка на четири деца, бев потресена од вознемирувачките фотографии. Безбедноста на децата мора да биде најважна и што било против тоа не треба да има место во нашето општество.

Ценам што Balenciaga ja тргна кампањата и што се извини. Додека зборував со нив, верувам дека ја сфатија сериозноста на проблемот и ќе ги преземам сите потребни мерки за ова никогаш да не се повтори“, напиша Ким на Инстаграм Стори.

Ријалити ѕвездата вели и дека нема да ја прекине соработката со брендот, туку пробува да ја обнови врската со нив. Според неа, тие ветиле дека вакво нешто никогаш нема да се повтори, а таа им верувала.

Очекувано, јавноста остро ја критикуваше изјавата на Ким.

„Избриши го ова и врати се со правилната изјава. Изјава која вели ’Ја прекинувам секоја врска со Balenciaga поради вознемирувачките фотографии со деца од нивната кампања‘. Ова е единствената изјава што требаше да ја дадеш“.

„Не верувам дека си искрена. Мислам дека само се надеваше дека сите ќе заборават на ова. Нема шанси брендот да платил за рекламна кампања и да не ја разгледал детално пред да ја сподели. Изгледа дека тебе поважни ти се парите“.

„Не може да си толку гневна штом продолжуваш да соработуваш со нив“.

Спирова С. | Црнобело