Пике со новата девојка, во која се вљубил затоа што не е „разгалена дива“ - ѝ ја носи чантата и се шетаат фатени за рака

Детали

петок, 18 ноември 2022

Пике ѝ ја држи чантата на новата девојка и ѝ помага да си ги намести чорапите, откако претходно беа на романтична вечера, додека Шакира сама го бодри синот Милан на бејзбол натпревар. Нови папарацо фотки од Пике и Шакира, откако тој во целост ѝ го отстапи старателството над синовите. 

Откако долго време се шпекулираше за тоа која е девојката со која фудбалерот Жерар Пике (35) ја изневери својата долгогодишна партнерка Шакира (45), фудбалерот веќе не сака да крие дека е вљубен во новата девојка, студентката Клара Чиа (23).

По заедничкото присуство на свадбата на негов пријател, таа присуствуваше на последниот натпревар што фудбалерот го одигра за Барселона.

Само неколку дена откако на Шакира ѝ даде целосно старателство над синовите, Пике беше фотографиран додека беше на прошетка со новата девојка, откако претходно биле на романтична вечера.

На папарацо фотографиите може да се види како Пике ја држи за рака 12 години помладата девојка и ѝ ја носи чантата, а во еден миг таа застанува и го соблекува чевелот за да ги намести чорапите.

Инаку ова е првпат парот да биде забележан во јавност откако Пике ги потпиша документите со кои ѝ отстапи целосно старателство на Шакира над синовите Милан и Саша со што таа ќе може да се пресели во Мајами.

Шпанските медиуми повикувајќи се на изјава на пријатели блиски до Пике и Клара, пишуваат дека фудбалерот ја заменил Шакира со новата девојка затоа што таа е скромна девојка и не е разгалена дива како поп пејачката.

Од друга страна, Шакира пред неколку дена беше забележана како сама присуствува на бејзбол натпреварот на синот Милан каде навиваше гласно, па беше фотографирана како скока од радост кога тимот на нејзиниот син постигна поен.

На натпреварот не присуствуваше Пике, кој во родната Шпанија се соочува со голем број критики затоа што ја раскина долгогодишната врска со колумбиската пејачка и почна да се гледа со студентката Клара Чиа.

Во продолжение повеќе папарацо фотографии:

 Б. С. Б. | Црнобело