Хит видео од свадбата на Тифани Трамп на социјалните мрежи: „Ова наликува на сатанистички ритуал“

Детали

понеделник, 14 ноември 2022

Танчарки облечени во пердуви и златни тоалети, торта на осум ката и говорот на поранешниот претседател на САД, Доналд Трамп - oва се некои од највпечатливите мигови од свадбата на Тифани Трамп со нејзиниот 4 години помлад свршеник Мајкл Болос.

Во саботата, ќерката на Доналд Трамп, Тифани (29) стапи во брак со милијардерот Мајкл Болос (25) на имотот на татко ѝ Мар–а-Лаго.

Тифани носеше венчаница од Ellie Saab, а до олтарот ја однесе нејзиниот татко Доналд (76), а мајката на невестата, актерката Марла Мејплс која се разведе со Трамп во 1999-та година, носеше тоалета во боја на лавaнда со потписот на Eliie Saab.

Парот ги размени брачните завети на отворено, по што следеше прием со коктели, а гостите можеа да уживаат во погледот на зајдисонцето.

По ова следеше екстравагантен прием со бенд и танчари кои настапуваа на подиумот, а некои од видеата од танцот станаа хит на Твитер.

https://twitter.com/AliseNavidad/status/1591635148503920643

Теоретичарите на заговори веднаш почнаа да коментираат дека целиот настан малку наликува на сатанистички ритуал.

„Зошто овие луѓе се толку морничави“, „Тие се култ“, „Зошто ми се чини дека по полноќ ќе играат криенка во некоја црвена соба“, „Најверојатно ќе почнат да ги играат вторите годишни игри на култот“, „Зошто очите им се затворени на танчарките“, „Ова да не е некој ритуал на култот“, „Сигурно Меланија ги ангажирала“ – стои во дел од коментарите.

На свадбата пред присутните одржа говор и поранешниот претседател на САД кој рече:

„Мајкл подобро ти е да се грижиш за неа. Без сомнеж, ти си прекрасна личност и многу си зрел за сопствените години. Сум видел како се справуваш со некои влијателни луѓе...

Вие сте две прекрасни личности и ова беше прекрасен ден.“

Доналд прокоментира и за ураганот кој за среќа ги одмина, рече дека ќерка му и новиот зет биле мошне загрижени за времето, па дури сакале да направат и шатор врз базенот, но тој не дозволил затоа што тоа ќе чини многу пари, а и сметал дека нема да биде истото доживување.

Тифани и Булос танцуваа на песната на Елвис Присли Can’t Help Falling in Love, а за гостите имаше торта на осум ката декорирана со бели светови.

Инаку, избраникот на Тифани, Мајкл Лагос по потекло е од Нигерија каде има сопствен конгломерат од компании, а се претпоставува дека „тежи“ околу 20 милиони долари.

Б. С. Б. | Црнобело