Му зема 45 милиони долари за да му даде развод, ја обвинуваат дека е лоша мајка – Која е првата сопруга на Мајкл Даглас?

Детали

сабота, 29 октомври 2022

„Ми требаше премногу долго за да сфатам дека ако одите кај брачен советник за да ги решите проблемите, тогаш во негов интерес е бракот да продолжи. Жалам само за тоа“ – рече во една прилика Мајкл Даглас за својата прва сопруга, која беше 13 години помлада од него.

Мајкл Даглас (78) веќе 22 години е во среќен брак со Кетрин Зита Џонс (53) и заедно имаат две деца, а малкумина помнат дека пред да ја почне врската со 25 години помладата актерка, тој беше во брак со друга жена.

Само 6 месеци пред официјално да стапи во брак со Кетрин Зита Џонс, Мајкл Даглас конечно се разведе од поранешната сопруга, а притоа загуби голема сума пари.

Која е првата сопруга на славниот актер и зошто се разведоа?

На врвот на кариерата Мајкл Даглас имаше проблеми со алкохолизмот, во 2011-та година се бореше со рак на грлото, а во својот живот вели дека жали само за една работа, а тоа е разводот со неговата прва сопруга.

Пред да ја запознае Кетрин Зита Џонс, Мајкл 23 години беше во брак со Диандра Лукер, позната и како Диандра Даглас. Парот се запознал уште во 1974-та година, кога Диандра имала само 19 години, а Мајкл 32.

По 3 години забавување во 1977-ма година одлучиле да стапат во брак, а една година подоцна го добиле и синот Камерон (44).

Диандра е ќерка на австриски дипломат кој работел како амбасадор, а таа работела како филмски продуцент.

Таа и Мајкл се разделија уште во 1995-та година, но беа потребни дополнителни 5 години и огромна сума пари за конечно да се разведат.

Нивниот развод се вбројува меѓу еден од најскапите во историјата со тоа што Мајкл Даглас требало да ѝ исплати 45 милиони долари на поранешната сопруга за да се разведат.

Иако не се коментира која е вистинската причина заради која парот одлучил да се раздели, според шпекулациите Диадра веќе не можела да се справи со алкохолизмот на актерот и неговите неверства.

Продолжува на следната страна...