Не ги трга рацете од неа, ја сака и со облини - зошто бракот на Пирс Броснан (69) е најстабилниот во Холивуд и по 28 години?

Детали

четврток, 13 октомври 2022

„Ја сакам секоја облина од нејзиното тело. Таа е најубавата жена во моите очи“, вели Пирс Броснан за сопругата Кели, од која не ги тргаше рацете и погледот на премиерата на неговиот нов филм, а во еден момент љубовно ја бакна. 

Пирс Броснан и сопругата Кели Шај Смит се заедно околу 28 години, а одново и одново докажуваат дека нивниот брак е можеби најстабилниот во Холивуд.

Неодамна, 69-годишниот актер и 59-годишната новинарка се појавија на премиерата на филмот Black Adam, во кој Броснан има една од споредните улоги.

Додека позираа за фотографите на црвениот тепих, актерот буквално не ги тргаше рацете од саканата.

Кели носеше црн светкав фустан во комбинација со црно сако, додека актерот одбрал црни панталони, бела кошула и кадифено темносино сако.

Додека позираа, актерот ја прегрнуваше Кели, ја фати за рака и на крај се сврте кон неа за да ја бакне.

Додека траеше позирањето, Кели не ја тргна насмевката од нејзиното лице.

Потоа Броснан позираше и со другите актери од филмот, вклучувајќи го и Двејн Џонсон кој ја има главната улога.

Уште откако стана светски познат благодарение на филмовите за Џејмс Бонд, Пирс Броснан важи за еден од најпосакуваните познати мажи.

Но, за разлика од повеќето негови колеги, актерот бил во брак само двапати. И тоа, првиот брак не заврши со развод, туку, за жал, неговата прва сопруга почина.

Броснан и првата сопруга Касандра Харис се венчаа во 1980 година и беа заедно сè до нејзината смрт во 1991-ва. Заедно тие го добија синот Шон.

Касандра имаше две деца од претходен брак – ќерката Шарлот и синот Крис – кои актерот без двоумење ги посвои.

Во 1994 година актерот ја запозна сегашната сопруга Кели додека бил на патување во Мексико.

Во неодамнешно интервју, Кели откри дека не останала рамнодушна кога првпат го видела актерот, а чувствата биле обострани.

Тие биле на голема забава, а налетале еден на друг сосема случајно.

Само три дена подоцна отишле на првиот состанок, а Кели открива дека им било толку забавно, што останале будни до три часот наутро и само разговарале.

Пирс Броснан има изјавено дека на почетокот не можеле да поднесат да бидат одвоени.

„Каде и да одев, многу ми недостасуваше, па секогаш ѝ испраќав авионски билети за да може да биде со мене. Едноставно, си одговаравме“.

Актерот вели и дека Кели се појавила во неговиот живот во вистинскиот миг. Тој бил под многу стрес и постојано работел, но саканата му помогнала да се стабилизира.

Броснан истакнува и дека Кели го охрабрувала да ги споделува емоциите за првата сопруга, за полесно да се справи со нејзината смрт.

Во 1997 година тие го добија првиот син – Дилан, а во 2001-ва стапија во брак. Истата година, тие го добија вториот син – Парис.

Иако можеби нам ни се чини дека љубовната приказна на Пирс Броснан и Кели е совршена, јавноста сепак најде за што „да се фати“.

Имено, многумина негодуваа за изгледот на Кели, односно зошто холивудскиот заводник би сакал да биде со жена која не изгледа како супермодел.

Овие злобни коментари почнаа откако Кели го роди второто дете и, како секоја жена, качи некој килограм во бременоста. 

Очекувано, актерот ја одбрани саканата и еднаш засекогаш ги замолчи критичарите.

„Некои пријатели ѝ предложија да направи операција која ќе ѝ ја намали тежината. Но, јас сум вљубен во секоја облина на нејзиното тело. Таа е најубавата жена во моите очи“, изјави тој истакнувајќи дека Кели ги родила нивните деца и нормално е нејзиното тело да претрпи промени.

„Во минатото, се вљубив во неа поради нејзиниот карактер, не само поради нејзината убавина. Сега ја сакам уште повеќе бидејќи таа е мајка на моите деца и јас сум многу горд на неа. Секогаш барам начин да докажам дека сум достоен за нејзината љубов“.

На следната страница повеќе фотки од парот кои докажуваат дека сите сонуваме за љубов како нивната…