Дамиано Давид настапи со гол задник, бизарен холограм од Џони Деп: Како помина доделувањето на MTV VMA?

Детали

понеделник, 29 август 2022

Дамиано Давид се појави на сцена речиси гол со танга, настапот на неговиот бенд беше цензуриран, а во еден миг на доделувањето се појави и холограм од Џони Деп кој се шегуваше дека очајно му треба работа (по судењето со Амбер Херд).

Во неделата, 28-ми август, се одржа овогодишното издание на MTV VMA наградите, а настапот на Maneskin привлече повеќе внимание од самото доделување.

Вокалистот Дамиано Давид се појави на сцената без маица, со панталони кои целосно му го откриваат задникот.

Бендот ја изведуваше нивната нова песна Supermodel, но неполна минута откако почна настапот, басистката на Maneskin имаше мала незгода.

Таа носеше сако кое во еден момент ѝ падна, па беше топлес на сцената. Но, наводно имала лепенки на градите.

По ова, продолжи да свири, но организаторите го цензурираа настанот, односно ги свртеа камерите во друга насока.

Ова, пак, разгневи голем дел од јавноста и фановите сметаат дека организаторите му должат извинување на бендот бидејќи направиле цензура на нивниот настап.

„MTV, разочаран сум што одлучивте да не го покажете настапот. Им го уништивте перформансот. Им должите извинување!“

„Ники Минаж може да симулира мастурбирање на сцената, но Викторија од Maneskin не смее да покаже брадавица со лепенка? Сериозно?“

„Малку е глупаво што ги цензуриравте. Не ги ни свртевте камерите кон останатите членови на бендот, туку целосно ги цензуриравте. Не е фер“.

Доделувањето на наградите го обележа уште еден, по малку чуден настан.

Во еден миг, на сцената имаше холограм од Џони Деп облечен во сребрен скафандер, инспириран од статуетката што ја добиваат победниците на наградите.

Џони Деп, односно холограмот кажа и шега: „Знаете што? Ми треба работа“.

https://twitter.com/MsDWright/status/1564043538618269698

Холограмот беше прикажан уште еднаш, повторно кажувајќи шега: „Само сакам да знаете дека сум достапен за родендени, свадби, погреби. Што и да ви треба“.

Според коментарите на Твитер, мислењето на јавноста е поделено во врска со појавувањето на Џони Деп.

Некои сметаат дека е смешно:

„Навистина е смешно, но треба да знаете што се случува во неговиот живот за да ја сфатите шегата. Сепак, браво за MTV што му дадоа шанса да се врати во центарот на вниманието“.

„Ништо не ме прави посреќен од тоа што овој маж си го враќа животот откако заврши неговиот кошмар. Горд сум на него“.

https://twitter.com/GellertDepp/status/1564046183936528386

Но, некои не се воопшто воодушевени:

„Појавувањето на Џони Деп е грозно“.

„Џони Деп нема никаква врска со наградите“.

И, секако, црвениот тепих на доделувањето исто така секогаш привлекува многу внимание.

Фаворит на вечерта беше Тејлор Свифт со фустан изработен од многу сребрени ланци, во комбинација со сандали со сличен дезен.

Доста внимание привлече и Lil Nas X со чудната комбинација.

Покрај провокативниот аутфит за нивниот настап, членовите на бендот Mansekin беа разголени и на црвениот тепих.

Повеќе фотки од настанот:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело