Деми Мур е бикини божица во Грција на речиси 60 години: „Ние жените сакаме да бидеме секси и кога старееме“
- Детали
- вторник, 16 август 2022
Пред да го покаже совршеното тело на јахта во Грција, Деми Мур откри дека неколку месеци пред 60-тиот роденден се чувствува поживо и послободно од кога било, а истакнува и дека само затоа што некоја жена е на одредена возраст, не значи дека не сака да се чувствува секси и привлечно.
Викендов Деми Мур го покажа совршеното тело, додека уживаше на јахта во Грција со група пријатели.
59-годишната актерка носеше розови бикини и уживаше во сончевиот ден со сончање и читање.
Од папарацо фотките е очигледно дека времето застанало за актерката која изгледа подобро од кога било и не е оптеретена за малку целулит и висната кожа по телото, кои се сосема нормални, а таа си ги носи гордо.
Деми и самата сподели фотка на Инстаграм, на која позира со истите бикини, во комбинација со жолта кошула.
Во описот, актерката напишала: „Го впивам летото“.
На објавата, Деми доби комплимент и од сопругата на бившиот сопруг Брус Вилис – Ема Вилис:
„И изгледа добро на тебе!“
На почетокот на летото, актерката се пофали дека вдомила кученце, кое беше со неа и на јахтата.
Станува збор за чивава која актерката ја крстила Пилаф.
Неодамна, во интервју за People, Деми Мур прозборе за возраста и за тоа како се чувствува пред 60-тиот роденден кој ќе го прослави во ноември.
Во интервјуто, актерката открива и дека ќе дизајнира бикини за жени на нејзина возраст, со цел да ги прекрши застарените правила за тоа што треба, а што не треба да носат жените на одредена возраст.
„Со ова ќе ја променам идејата дека ние жените стануваме помалку привлечни како што старееме. Не сакаме да изгледаме како старици или да не се чувствуваме секси“.
Актерката вели дека откако ја прифатила својата возраст, се чувствува многу послободна.
„Не сум дефинирана според број, туку според моето искуство. Како што ќе наполните 59, почнувате да мислите ’Па, ќе наполнам и 60‘. Ова може да биде ослободувачко.
Кога помислувам на баба ми на 60-годишна возраст, на некој начин изгледаше како да се чувствува старо. Но, јас се чувствувам поживо и поприсутно од кога било“.
Деми Мур прозборе и за нејзината слава, истакнувајќи дека и по толку многу години, уште ѝ е чудно што ја нарекуваат „икона“.
„Да го слушнеш тој збор за себе е надреално искуство. Се чувствувам поласкано, но и како тоа да не сум јас, но сепак ми се допаѓа.
Според мене, икона е личност која изодела некој пат и направила нешто што ги трогнало луѓето или имало позитивно влијание. Кога ќе го земам ова предвид, навистина сум горда што ме ставаат во таа категорија“.
Кoга станува збор за нејзиниот стил, Деми вели дека сака да се дотерува, но секогаш ѝ дава предност на удобната облека.
„Ја ценам модата. Но, уште се чувствувам како мало дете, во срцето сум како 12-годишно момче кое само сака да му биде удобно и да носи широка облека.
Кoга сум во Ајдахо (нејзиниот дом) генерално носам комбинезони цел ден, секој ден“.
Спирова С. | Црнобело
Би можело да ве интересира:
Препорачуваме
Најчитани неделава
