Том Круз сакал на Сури да ѝ купи нов автомобил за 16-тиот роденден и да ја види, но Кејти Холмс не дозволила - зошто?

Сури се роди во 2006-та година, а кога имаше 7 месеци Том и Кејти Холмс се венчаа во Италија. Но, по 7 години бракот се распадна и Кејти Холмс поднесе документи за развод.

Се очекуваше разводот да трае со години, но за само 11 дена беше одлучено Кејти да го добие старателството над Сури и да добива годишна алиментација во износ од 400.000 долари, а Том треба да ги покрива сите трошоци за образование и лекување на ќерката.

Се знае дека Том последен пат имаше средба со Сури во 2013-та година, а дека во последните 10 години редовно ја плаќа месечната алиментација.

Во изминатите месеци, во пресрет на нејзиниот 16-ти роденден веќе се шпекулираше низ медиумите дека актерот сака да ѝ купи автомобил Tesla Model X од 90.000 долари, но дека мајка ѝ не дозволува.

Дополнително, се очекуваше дека Сури најверојатно ќе се види со нејзиниот татко, но се појавија гласини дека Кејти не дозволува тоа да се случи затоа што стравува дека Том ќе ја вовлече во скиентологијата.

Во една прилика кога говореше за разводот со Кејти, Том самиот призна дека главна причина заради која Кејти побарала развод од него е заради тоа што сакала да ја заштити ќерката од скиентологијата, а според религијата на актерот, тој не смее да се гледа со лицата што ја отфрлиле, па така Кејти и Сури се најдоа на „црната листа“.

Доколку гласините дека Том навистина сака да го поправи односот се точни, тогаш многу веројатно е дека тој ќе треба набрзо да се пресели, затоа што не е јасно како би можеле да ги поминуваат деновите заедно кога таа живее во Њујорк, а тој од 2021-ва година се пресели во Лондон.

Б. С. Б. | Црнобело