Мадона во морничаво издание со маска од тантела на лицето, синот Дејвид (16) провоцира со долг црвен фустан (фото)

Детали

вторник, 31 мај 2022

Мадона сподели видео на Инстаграм Стори на кое изгледа морничаво поради црната маска од тантела, додека нејзиниот 16-годишен син гордо позира со неа носејќи долг црвен фустан со голем шлиц.

Мадона не престанува да изненадува со бизарните изданија, а изгледа дека и синот Дејвид почнува да ги следи нејзините стапки и да провоцира со изгледот. 

Откако 63-годишната пејачка сподели видео на Инстаграм Стори на кое целото лице ѝ е покриено со маска, објави и неколку фотографии со синот Дејвид Банда, кој изненади со модната комбинација.

На видеото на Инстаграм Стори, Мадона пуши наргиле и изгледа морничаво поради црната маска од тантела која ѝ ги покрива целата глава и лицето, освен очите и устата.

Потоа пејачката се насмевнува и го покажува дијамантскиот украс на нејзините заби.

Фотографиите со синот Дејвид се направени за време на натпревар за боречки вештини. Наводно, мајката и синот потоа отишле и во ноќен клуб, каде што е направено бизарното видео на Мадона.

За излегувањето со мајка му, 16-годишниот Дејвид одбрал лежерен долг црвен фустан со бели риги, во комбинација со црни патики и чанта. На една од фотките, тој  гордо го покажува и огромниот шлиц на фустанот.

Мадона, пак, носи црни широки тренерки и многу ланчиња, а во описот на објавата напишала „Семејна ноќ со борење“.

Спирова С. | Црнобело