Познати личности кои си го менуваат стилот кога се во врска и го копираат нивниот партнер (фото)

Детали

петок, 10 јуни 2022

Стилот на Ким Кардашијан пред и по Канје не се ни споредува, а изгледа ријалити ѕвездата сега почнува да му дава предност и на полежерниот изглед, исто како нејзиното ново момче Пит Дејвидсон.

Секој од нас си има сопствен стил, а истото важи и за познатите личности. Но, неретко некои од нив целосно си го менуваат модниот стил кога се во врска со некоја личност.

Поради некоја причина, некои ѕвезди како да почнуваат да го копираат изгледот на нивниот партнер, па нивниот стил трпи драстични промени.

Кои познати личности го копираат стилот на нивните партнери?

Ким Кардашијан

Пред бракот со Канје, Ким Кардашијан ретко кога знаеше да се облече добро. Но, раперот стана нејзин главен стилист, па драстично ѝ го промени стилот и го направи поскладен со неговиот.

Откако ја почна врската со Пит Дејвидсон, стилот на Ким повторно претрпе промени. Сега, кога се појавува во јавност со новото момче, Ким како да го копира неговиот полежерен изглед.

Кортни Кардашијан

Промената во стилот на Кортни е можеби најочигледна. Пред да ја почне врската со Тревис Баркер, ријалити ѕвездата беше далеку од модна икона.

Сега кога е со тапанарот, негува „рокерски“ стил, ист како неговиот.

Џиџи Хадид

Џиџи Хадид првпат почна да се гледа со Зејн Малик уште во 2015 година. Тој период таа беше многу млада и можеби уште го немаше оформено својот стил, но откако почна да се појавува во јавност со Зејн, стана јасно дека црпи инспирација од неговиот моден стил.

Бред Пит

Многумина се шегуваат дека Бред Пит секогаш се претвора во неговите девојки, а ова е можеби најизразено во периодот кога беше во брак со Џенифер Анистон.

Стилот на актерот постојано се менува и сега тој вели дека најмногу ја цени удобноста.

Сепак, додека беше со Анистон, неретко го копираше нејзиниот стил.

Бела Хадид

Сега Бела Хадид е препознатлива по необичните модни комбинации во кои ги спојува најчудните парчиња облека.

Додека беше во врска со The Weeknd, парот речиси секогаш беше во складна комбинација, без разлика дали лежерна или елегантна.

Хејли Бибер

Иако Хејли уште го негува нејзиниот забавен стил, кога е со сопругот Џастин Бибер, настојува да ги копира неговите лежерни комбинации.

Меган Фокс

Пред врската со Машин Ган Кели, Меган Фокс како целосно да беше посвети на мајчинството и ретко слушавме новости за неа.

Додека беше во брак со Брајан Остин Грин, актерката не привлекуваше многу внимание со својот стил, но ова драстично се промени по разводот.

Откако ја очна врската со Машин Ган Кели, стилот на Меган стана многу посмел. И, исто како и нејзиниот нов партнер, и Меган сака да провоцира со облеката и изгледот.

Спирова С. | Црнобело