Мајката на Џиџи и Бела Хадид критикувана: „Не им дава да јадат, дозволила Бела да направи пластична операција на 14 години“

Детали

среда, 16 март 2022

По искреното интервју за Vogue во кое Бела Хадид откри дека се чувствувала како „погрдата сестра“ и направила пластична операција на носот на само 14 години, сестра ѝ Џиџи беше „уловена“ во Њујорк непрепознатлива, но во одлично расположение, додека мајката на моделите е остро критикувана за воспитувањето на ќерките.

Во интервју за Vogue, Бела Хадид конечно „призна“ дека направила пластична операција на носот. Иако уште од почетокот на нејзината кариера постоеја шпекулации дека 25-годишниот модел има корекции на лицето, таа ги негираше.

Во интервјуто, Бела откри дека секогаш се споредувале со Џиџи и постојано се чувствувала како „погрдата сестра“, самодовербата ѝ била срушена, а сето ова ја натерало да си направи операција.

„Јас бев погрдата сестра. Јас бев бринетата. Не бев забавна и отворена како Џиџи... Луѓето навистина го кажуваа тоа за мене. И, за жал, кога ќе ви кажат нешто такво многупати, почнувате да верувате во тоа. Секогаш се чувствував како да морам да се подобрам“.

Бела вели и дека сега жали за операцијата - „Сега посакувам да го зачував носот од моите предци“.

Сестра ѝ Џиџи уште се нема огласено во врска со емотивното интервју, но речиси веднаш откако беше објавено, беше забележана во Њујорк.

26-годишниот модел изгледаше речиси непрепознатливо, но е повеќе од очигледно дека е во одлично расположение.

Џиџи неодамна се раздели од момчето Зејн Малик со кого има едно дете. Тие не откриваат детали за нивната разделба, но според гласините ситуацијата ескалирала кога младиот пејач ја удрил мајката на Џиџи – Јоланда.

Јоланда, пак, се најде на мета на критики поради интервјуто на другата ќерка. Јавноста остро ја осуди бидејќи ѝ дозволила да си направи пластична операција на Бела на 14 години.

И 58-годишната Јоланда нема изјавено ништо во врска со интервјуто на Џиџи, но и таа беше забележана на улиците низ Њујорк кратко по објавувањето.

Дел од фановите на Бела се убедени дека Јоланда е таа која го критикувала нејзиниот изглед.

Исто така, јавноста почна да се присетува на детството на Џиџи и Бела, истакнувајќи го нејзиниот токсичен начин на воспитување. 

„Сакате да се обложиме дека Јоланда најмногу го критикувала носот на Бела?“

„Ниту едно 14-годишно дете не сака да направи пластична операција, освен ако не му зборувале многупати за некоја карактеристика до тој степен, што тоа станува несигурно“.

„14 години се малку за пластична операција. Јоланда никогаш не требало да ама деца!“

„Бела имала 14 години кога ја направила операцијата. Јоланда е најзлобниот човек“.

„Нејзиното лице уште не е созреано, а ти си дозволила да оди под нож?!“

Јоланда и самата беше модел во младоста, а за неа е добро познато дека ги учела ќерките да направат сè за да успеат во модната индустрија.

Па, ова не е првпат да се соочи со критики поради нездравиот однос со Џиџи и Бела.

Јоланда самата откри дека ги учела ќерките да држат диети уште кога биле малолетни, а не им дозволувала да играат одбојка за да немаат мускулесто тело.

Јоланда беше дел од ријалити шоу каде се појавија и нејзините ќерки, а нејзиниот однос кон Џиџи и Бела беше осуден од јавноста.

Во една од сцените во шоуто, Џиџи вели дека едвај чека да јаде нездрава храна, по што Јоланда ѝ вели:

„Можеш една вечер да јадеш лоша храна. Потоа мораш да ѝ се вратиш на диетата. Знаеш, Париз и Милано сакаат слабички девојки“.

Спирова С. | Црнобело