Има српско потекло, омажена е за милијардер, а би можела да стане газдарица на Челзи – Која е Холи Кенди?

Во 2009-та година во целост ѝ се променил животот откако го запознала британскиот милијардер Ник Кенди. Таа вели дека воопшто не знаела кој е тој и дека дури и сакала да ја прекине врската кога дознала колку е богат, а мајка ѝ ја убедила да му даде шанса.

Нејзиниот сопруг Ник, заедно со братот Кристијан во 1995-та година земајќи позајмица од нивната баба во висина од 6.000 британски фунти инвестирале во првата недвижнина и денес заедно имаат богатство што се проценува дека вреди над 1 милијарда американски долари.

Ник ја запросил Холи додека биле на одмор на Малдиви во 2011-та година, а се венчале на раскошна церемонија во Беверли Хилс. Светските медиуми пишуваат дека нивната забава чинела околу 3 милиони фунти.

Според пишувањата во британските медиуми, одлуката на Ник да се ожени со Холи предизвикала несогласувања меѓу браќата. Според Daily Mail, братот на Ник, Кристијан не ја прифаќал Холи заради нејзиното минато, а двајцата браќа воделе и легална битка за поделба на имотот.

Во 2013-та година Холи и Ник ја добиле ќерката Лука, а во 2017-та година ќерката Нова.

Холи и Ник денес живеат во Лондон и се пријатели со кралското семејство. Холи во главно денес се занимава со добротворна работа, а слободното време го поминува во теретана.

 Б. С. Б. | Црнобело