7 познати актери кои глумат суперхерои, но се херои и во приватниот живот

Детали

сабота, 14 мај 2022

Елизабет Олсен и Бенедикт Камбербач се само дел од актерите кои глумат суперхерои, но се херои и во приватниот живот.

Донации, проекти за заштита на природата, проекти за зголемување на свеста за одредени болести, но и херојски спасувања – повеќето познати личности имаат и хуманитарна страна, без разлика што не сите се фалат за тоа.

Во продолжение седум познати актери кои не само што глумат суперхерои, туку се и херои во приватниот живот:

Марк Рафало

Во 2001 година, Марк Рафало имал вознемирувачки сон во кој имал тумор на мозокот. Бидејќи не можел да престане да мисли на сонот, решил да закаже преглед.

Лекарот му кажал дека има акустична неврома – болест поради која лицето му било парализирано 10 месеци. Од истата болест Марк целосно го изгубил слухот во левото уво.

Овој настан го натерало актерот да сфати дека целиот живот може да му се промени на лошо во само една секунда и станал свесен дека тој сепак имал среќа.

Поради искуството, актерот почнал да се вклучува во добротворни организации, а поради неговиот активизам, во 2014 година доби и награда за хуманитарната работа.

До денес актерот има соработувано со бројни организации чија цел е да ја заштитат природата, но и да им помогнат на луѓе од разни категории.

Роберт Дауни Џуниор

Со улогата во Iron Man, Роберт Дауни Џуниор стана еден од омилените суперхерои на Марвел. Но, актерот одново и одново докажува дека е суперхерој и во приватниот живот.

Во 2020 година, тој основа фондација чија цел е да ја исчисти природата користејќи нова технологија.

Роберт е и активен филантроп и има донирано милиони долари за разни организации ширум светот.

Актерот не се фали со овие подвизи, но тие дефинитивно не остануваат незабележани.

Скарлет Јохансон

Иако денес е една од најпознатите актерки, Скарлет Јохансон го немала отсекогаш луксузот во којшто ужива сега.

Инспирирана од нејзиното лично искуство, таа стана дел од бројни добротворни организации и зад себе има неколку големи донации и акции.

Во 2007 година, Скарлет дури ги прескокна Оскарите само за да може да им помогне на сиромашните жители на Индија и Шри Ланка.

Таа е и активист кој се бори против бездомништвото и гладот во САД.

Том Холанд

Том Холанд стана ѕвезда преку ноќ, а речиси веднаш потоа ја покажа и својата хуманитарна страна.

Младиот актер има волонтирано во многу болници за деца и е дел од неколку организации.

Еднаш дури и спаси жена која речиси била прегазена од фанови кои чекале автограм од него.

Бенедикт Камбербач

Бенедикт Камбербач има добиено медал од кралицата Елизабета поради неговите хуманитарни дела.

Актерот може да се пофали и со навистина херојски подвиг – додека се возел во такси со сопругата, забележал група мажи кои се обидувале да ограбат доставувач на храна.

Актерот без двоумење му рекол на таксистот да застане, па заедно со него ги нападнале мажите и го одбраниле доставувачот.

Елизабет Олсен

Елизабет Олсен била дел од многу еколошки проекти, а најмногу се залага за обезбедување вода за пиење во сиромашните земји, како и решавање на проблемите со гладот.

Таа има и линија продукти, а заработката од нив оди во истражувања за сериозна кожна болест.

Зои Салдана

Во 2009 година, Зои Салдана покажала вистинско херојство.

Додека била во Лос Анџелес, актерката сведочела на сообраќајка во која некоја жена била сериозно повредена.

Актерката веднаш излегла од нејзиниот автомобил и сама успеала да ја тргне жената од автопатот. Потоа повикала брза помош и иако автомобил бил запален, актерката успеала да спаси дел од работите на жената кои биле внатре.

Зои останала со жената додека да дојде брзата помош.

Спирова С. | Црнобело