Се прободел со нож за да ја импресионира, таа го вика ’тато‘ – Бизарната врска на Машин Ган Кели и Меган Фокс

Детали

петок, 03 декември 2021

Си подаруваат ланче со сопствената крв, шетаат со црни јазици и јавно се бакнуваат со страст, а последно, Машин Ган откри дека се прободел со нож за да ја импресионира – бизарни детали од љубовната врска на Меган Фокс и нејзиното ново „лошо момче“.

Машин Ган Кели (31) и Меган Фокс (35) се еден од славните парови што постојано привлекуваат внимание кај публиката, како поради тоа што изгледаат совршено заедно, така и поради тоа што постојано споделуваат бизарни моменти од својот приватен живот.

Машин Ган Кели неодамна гостуваше во The Tonight Show каде откри нов бизарен момент од нивната врска кога еден обид да ја импресионира својата девојка завршил лошо.

„Тревис ми подари нож што беше изгравиран со нашиот нов албум и сакав да ѝ го покажам на Меган. Го фрлив ножот и кога се врати, наместо да го фатам, ме прободе во рака“ – вели тој и додава дека не покажал слабост пред својата девојка, туку чекал таа да си замине следното утро, за да побара помош.

Меган и Машин Ган Кели се запознале во 2020-та година за време на снимањето на филмот Midnight in the Switchgrass.

Во тој период Меган сè уште беше во брак со Брајан Остин Грин со кого има три деца, но набрзо по ова одлучи да се раздели од него и да ја започне врската со нејзината нова љубов, кого го нарекува нејзин „оган близнак“.

Според неа значењето на зборот на „оган близнак“ е подлабоко од сродна душа, затоа што означува ист „оган“ раздвоен во две тела.

Иако на фотогарфиите изгледаат совршено заедно сепак има повеќе бизарни мигови од нивната врска, а се чини дека симболот на „ножот“ и крвта се редовна декорација во нивните објави: од идентичен маникир, до објави со емотикони на социјалните мрежи.

Во продолжение неколку бизарни моменти од нивната врска: 

Објавувањето на спотот за песната на Машин Ган Кели, Bloody Valentine, во кој играше Меган Фокс го прославија со идентичен маникир. На еден од ноктите се гледа цртеж од крвав нож.

Во твитот со којшто Машин Ган Кели јавно објави дека е во врска со Меган Фокс имаше два емотикони: срце и нож;

На првиот заеднички состанок тие двајцата провалиле во зграда и се искачиле на покривот, каде слушале панк-музика и се бакнувале. Папараците успеаја да ја уловат Меган како се качува со високи потпетици.

Додека некои двојки за подарок си даваат романтични подароци за Денот на вљубените, Машин Ган Кели за подарок доби ланче со нејзината крв. „Те носам околу вратот“ – напиша на социјалните мрежи.

Имаат заеднички тетоважи – но, за разлика од некои парови што прават идентични тетоважи, славната двојка сами се тетовираа меѓусебно.

Таа го вика „тато“. Кога говори за својот сакан, Меган најчесто го вика „тато“. Така, по појавувањето со голиот фустан на доделувањето на MTV наградите Меган рече дека „тато ѝ рекол да се појави гола“, а таа рекла „Како ќе кажеш, тато!“.

Б. С. Б. | Црнобело