Во брак е 18 години, неговите родители се втори братучеди – кој е Пол Рад, најсекси мажот за 2021-ва според магазинот People?

Во 2019-та беше еден од најплатените актери според Forbes

Со заработка од околу 40 милиони долари помеѓу 2018 и 2019 година, Пол Рад стана еден од најплатените актери на планетата.

Големата заработка во најголема мера се должи на филмовите на Марвел, особено Ant-Man and the Wasp кој беше издаден во 2018-та.

Во брак е од 2003 година

Пол Рад може да се пофали со еден од најуспешните бракови во Холивуд. Со сопругата Џули Јегер, кој а сценарист, се венчаа во 2003 година и успешно го кријат приватниот живот од јавноста.

Можеби и тоа е тајната за нивниот успешен брак.

„Мислам дека нема да им продавам многу приказни на таблоидите. Со Џули сме заедно многу години. Моите родители беа цел живот заедно, сè до смртта на татко ми“.

Пол и Џули имаат две деца – 15-годишниот Џек и 11-годишната Дерби.

Има ѕвезда на Булеварот на славните

Во 2015 година Пол Рад доби ѕвезда на Булеварот на славните. Актерот не се гледа себеси како многу позната личност, па во изјавата за достигнувањето се пошегува на своја сметка:

„Се сеќавам кога бев мал и шетав по овој булевар, ги читав имињата на ѕвездите и си мислев ’Кој е ова?‘... Фактот дека сега милиони луѓе ќе можат да прошетаат по булеварот и да си го постават ова прашање за мене… е неверојатен“.

Актерот не користи социјални мрежи

Веќе напоменавме дека Пол и сопругата многу добро ја кријат нивната приватност, а поради ова актерот смета дека нема потреба да биде активен на социјалните мрежи.

„Не ми требаат работи што ќе ми го одвлекуваат вниманието од животот. Како што станувам попознат и мојот свет станува поголем, јас се трудам приватно да го направам помал.

Реално, не сакам да зборувам ни со луѓе што ги знам, не па со луѓе што не ги познавам“.

Најпознат е по комедиите, но има и неколку сериозни улоги

Покрај Clueless, Пол Рад се појавува и во други комедии, вклучувајќи ги The 40 Year Old Virgin, Anchorman: The Legend of Ron Burgundy, I Love You Man…

Од посериозните улоги најмногу се истакнува онаа на Ant-man во неколку продолженија од филмовите на Марвел, како и улогите во The Perks of Being a Wallflower и The Fundamentals of Caring.

Спирова С. | Црнобело